Përkujtohet në Lezhë 5-Maji, Dita e Deshmorëve

Është perkujtuar në qytetin e Lezhës 5-Maji, Dita e Deshmorëve. Me këtë rast në varrezat e deshmorëve bënë homazhe e vendosen kurora me lule drejtues të pushtetit lokal, veteran të luftës, deputet, pjesëtarë e të afërm të familjeve të të rënve, përfaqësues të partive politike, punonjës të administratës publike dhe qytetarë të Lezhës.
Në fjalën e tij përshëndetëse zëvëndëskryetari i Bashkisë Lezhë Enver Hafizi vlerësoi lart aktin sublim të deshmorëve tanë, që dhanë jetën për lirinë e vendit si dhe kontributin e veteranve në luftë kundër pushtuesit të huaj.  Solli mesazhet e tij të vleresimit të aktit sublim të të rënëve për liri prefekti i Lezhës Eduart Ndreca i cili theksoi se do të nderojmë 5-Majin e çdo viti si pjesë e qenësishme e kujtesës tonë historike dhe si krenari e pasuri kombëtare me vlera të veçanta.   Shqipëria  që kemi sot është kontribut e sakrificë sublime i gjakut të derdhur nga dëshmorët tanë, që meritojnë të respektohen. Ndërkohë, kryetari i Organiztës së Veteranëve të Luftës Deli Bisha dhe anëtarë të tjerë të veteranëve të luftës, në këtë veprimtari homazh, evokuan heroizmin e deshmor ëve të Lezhës, që meritojnë nderim të veçantë dhe mirënjohjen më të thellë. Drejtues të Bashkise së Lezhës, Prefekturës dhe Organizatës së Veteraneve bënë vizita në familjet e dëshmorëve. Zëvëndëskryetari i Bashkisë Enver Hafizi bëri një vizitë në familjen e Heroit të Popullit Fran Ndue Ivanaj.                 

Lezhe,5.5.2017                                     Pergatiti Rrok Lelçaj


Sherbime dhe kontakte

Adresa:

Lagjia Skenderbeg, Sheshi Gjergj Kastrioti
Lezhe, Albania
info@lezha.gov.al
Të gjitha të drejtat e rezervuara. © 2016 Bashkia Lezhe