NJOFTIM – Për thirrjen e radhës të Këshillit Bashkiak Lezhë, dt. 25.09.2024
SHPALLJE NË KATEGORINË E ULËT DREJTUESE, LËVIZJE PARALELE, NGRITJE NË DETYRË, PRANIM NË SHËRBIMIN CIVIL 1. Shpallje, Përgjegjës Sektori në Sektorin e Funksioneve Mbështetëse, Drejtoria e Bujqësisë, Uj
SHPALLJE PËR VEND TË LIRË PUNE, KËSHILLTAR NË KABINETIN E KRYETARIT 1. Shpallje për vend të lirë pune, Këshilltar në Kabinetin e Kryetarit, 2. Verifikim
SHPALLJE PËR VEND TË LIRË PUNE, EDUKATORE KOPËSHTI, NË SHKOLLËN 9-VJEÇARE “ERNEST RROZHANI”, MABË 1.Vend i lirë pune, Edukatore Kopështi, në Shkollën 9-Vjeçare “Ernest Rrozhani”, Mabë,
Njoftim per thirrjen e mbledhjes se radhes se Keshillit Bashkiak Lezhe, dt. 03.09.2024
Eagles Fest, një event i cili ka dhuruar spektakël të jashtëzakonshëm me motor në bregdetin e Shëngjinit, u organizua nga klubi i motoristëve MC Eagles në bashkëpunim me Bashkinë Lezhë.
Aktiviteti u mbajt më 24 gusht dhe shënoi një ngjarje të paharrueshme për të gjithë pjesëmarrësit dhe spektatorët.
Në qendër të vëmendjes së festivalit ishte parada mbresëlënëse e mbi 300 motoristëve, të cilët përshkruan të gjithë Shëtitoren e Shëngjinit. Tifozët e motorëve dhe turistët e pranishëm u mrekulluan nga shfaqja e motorëve të fuqishëm që e kthyen shëtitoren në një skenë plot energji dhe adrenalinë.
Pas kësaj parade, atmosfera elektrizuese e Eagles Fest vazhdoi me një koncert të mbajtur në bregdet, ku skena u pushtua nga këngëtarët e njohur të skenës së rock-ut shqiptar. Elita 5, grupi legjendar nga Tetova, elektrizoi publikun me hitet e tyre të njohura, duke sjellë një atmosferë të ngrohtë dhe të fuqishme në natën verore. Niki Zaimi & Band dhe Iljard Shaba gjithashtu interpretuan një përzgjedhje të këngëve rock, duke krijuar një lidhje të veçantë me publikun.
Eagles Fest ishte jo vetëm një festë për motoristët, por edhe një festë e kulturës dhe muzikës rock, duke sjellë së bashku njerëz nga të gjitha moshat për të festuar në një atmosferë plot emocion dhe adrenalinë
Në kuadër të hartimit të kalendarit të konsultimeve publike, Bashkia Lezhë do të zhvillojë diten e Hëne me datë 02.09.2024 ora 18:30 në ambientet e godinës së Qendrës Kulturore të Fëmijëve “Gjergj Lacaj” Lezhë konsultimin publik për PBA-në 2025-2027 dhe buxhetin vjetor (faza e dytë) në Bashkinë Lezhë.
Konsultimi publik synon mbledhjen e rekomandimeve dhe sugjerimeve të qytetarëve lidhur me përcaktimin e prioriteteve të investimeve për tre vitet e ardhshme si dhe shërbimet e ofruara nga Bashkia.
Ftohen të marrin pjesë gjithë aktorët e interesuar duke përfshirë banorë nga të gjitha njesitë administrative, administratorët, kryetarët e fshatrave, përfaqësues të bizneseve të zonës, përfaqësues të organizatave të shoqërisë civile, gazetarë, media lokale etj.
Bashkia Lezhë ka vazhduar traditën e njohur të “Festë N’ Shpi” edhe këtë vit, duke krijuar një atmosferë të paharrueshme festive që zgjati për 14 ditë rresht.
Aktivitetet filluan më 2 Gusht dhe kulmuan më 15 Gusht, duke e shndërruar Sheshin “Gjergj Kastrioti” në një pikë qendrore për argëtim dhe gëzim. Çdo natë, qytetarët e Lezhës dhe vizitorët e shumtë u mblodhën për të përjetuar magjinë e muzikës live dhe performancave të larmishme.
Në këtë edicion të “Festë N’ Shpi” morën pjesë disa nga zërat më të njohur të muzikës nga Shqipëria dhe Kosova, duke e ngritur nivelin artistik të festës. Këngëtarët dhe grupet më të dashur nga publiku dhuruan performanca të jashtëzakonshme, duke krijuar një atmosferë të ngrohtë dhe festive.
Netët e dedikuara talenteve të rinjë nga Lezha ishin gjithashtu një nga pikat kulmore të festës. Të rinjtë e talentuar nga Lezha, duke përfshirë këngëtarë, instrumentistë dhe valltarë, shfaqën aftësitë e tyre artistike, duke sjellë energji dhe freski në sheshin e qytetit.
Këto netë ishin një mundësi e shkëlqyer për artistët e rinj që të tregojnë talentin e tyre përpara një publiku të gjerë.
Festa arriti kulmin në Ditën e Shtegtarëve, më 15 Gusht, një ditë e veçantë që i kushtohet të gjithë atyre që rikthehen në Lezhë për të festuar me familjarët dhe miqtë. Kjo ditë speciale u përshkua nga një atmosferë e veçantë, e cila u pasurua edhe më shumë nga prania e trupës së njohur të humorit “Portokalli”, që dhuroi shumë të qeshura dhe momente të paharrueshme për të pranishmit.
