SHPALLJE PËR VENDE TË LIRA PUNE 1. Shpallje, për vende të lira pune.
Nënshkruhet Marrëveshja e Binjakëzimit ndërmjet Bashkisë Lezhë dhe Komunës së Spoletos
Nënshkruhet Marrëveshja e Binjakëzimit ndërmjet Bashkisë Lezhë dhe Komunës së Spoletos
“Sot pata kënaqësinë të mirëpres në Lezhë delegacionin italian nga Komuna e Spoletos, në kuadër të nënshkrimit të Marrëveshjes së Binjakëzimit ndërmjet Bashkisë Lezhë dhe Komunës së Spoletos. 🇦🇱🇮🇹
Së bashku me Kryetarin e Komunës, z. Andrea Sisti, finalizuam këtë iniciativë të rëndësishme, e cila hap një kapitull të ri bashkëpunimi dhe forcon marrëdhëniet ndërmjet dy qyteteve tona, veçanërisht në fushën e turizmit, kulturës dhe zhvillimit të projekteve të përbashkëta në të ardhmen 🇦🇱 🇮🇹”
– Pjerin Ndreu, Facebook
- Foto Galeri:
Vizitë e ambasadorit të Republikës së Polonisë, z. Vojciech Unolt
Vizitë e ambasadorit të Republikës së Polonisë, z. Vojciech Unolt
“Gjatë një takimi zyrtar me partnerët ndërkombëtarë polak, u zhvillua një vizitë e delegacionit të Republikës së Polonisë, i kryesuar nga Ambasadori, z. Vojciech Unolt, me pjesëmarrjen e përfaqësuesve të lartë të shërbimit zjarrfikës polak, ndër ta edhe Zëvendësdrejtori i Përgjithshëm, Lt. Col. Tomasz Czyż.
Bashkëpunimi me Qeverinë e Polonisë dhe UNDP ka sjellë rezultate konkrete për shërbimin zjarrfikës në vend dhe në Lezhë.
Gjatë takimit, u vlerësua mbështetja e deritanishme që ka rritur kapacitetet dhe përmirësuar reagimin ndaj emergjencave, së bashku me Drejtorin e Përgjithshëm të MZSH-së, z. Arben Cara.
Mirënjohje për partnerët dhe të gjithë aktorët e përfshirë në këtë iniciativë.”
– Pjerin Ndreu, Facebook
- Foto Galeri:
Nënshkruhet Marrëveshja e Bashkëpunimit mes Bashkisë Lezhë dhe Drejtorisë së Përgjithshme të Burgjeve
Nënshkruhet Marrëveshja e Bashkëpunimit mes Bashkisë Lezhë dhe Drejtorisë së Përgjithshme të Burgjeve
“Së bashku me Drejtorin e Përgjithshëm të Burgjeve, Adriatik Kupi, nënshkruam sot Marrëveshjen e Bashkëpunimit mes Bashkisë Lezhë dhe Drejtoria e Përgjithshme e Burgjeve, një hap i rëndësishëm drejt riaftësimit dhe riintegrimit të personave të dënuar në komunitet.
Ky bashkëpunim është më shumë se një marrëveshje institucionale është një angazhim i përbashkët për t’u dhënë një mundësi të dytë atyre që synojnë të ndërtojnë një të ardhme më të mirë. Fuqizimi dhe përfshirja e tyre në shoqëri kontribuon drejtpërdrejt në rritjen e sigurisë dhe mirëqenies për të gjithë qytetarët.”
– Pjerin Ndreu, Facebook
- Foto Galeri:
Çmimi letrar “At Zef Pllumi”, 2026
Çmimi letrar “At Zef Pllumi”, 2026
“Lezha mirëpriti edhe këtë vit edicionin e çmimit kombëtar në letërsi “At Zef Pllumi”, një ngjarje që i jep zë dhe vlerë krijimtarisë më të mirë letrare shqiptare.
Ky aktivitet, i frymëzuar nga figura dhe trashëgimia e At Zef Pllumi, është një dëshmi se kultura dhe letërsia mbeten shtylla të rëndësishme të identitetit tonë.
Urime shkrimtarit Zija Çela për çmimin e fituar me veprën “Koka mbi katror”, një vlerësim i merituar për kontributin e tij në letërsinë shqipe.
Do të vazhdojmë ta mbështesim këtë konkurs edhe në vitet në vijim, si një nxitje për autorët dhe si një mënyrë për të ruajtur e forcuar traditën tonë letrare.
Lezha, gjithmonë në shërbim të kulturës!”
– Pjerin Ndreu, Facebook
- Foto Galeri:
Zhvillohet Parlamenti Rural
Zhvillohet Parlamenti Rural
“Zhvilluam Parlamentin Rural me pjesëmarrje të zgjeruar të fermerëve, përfaqësuesve të Ministrisë së Bujqësisë dhe përfaqësuesve të Bashkimit Europian.
Folëm hapur për problemet dhe sfidat e bujqësisë, për mbështetjen që u duhet fermerëve, për investimet në infrastrukturë dhe për krijimin e më shumë mundësive zhvillimi në zonat rurale.
Bujqësia është një nga shtyllat kryesore të ekonomisë së Lezhës dhe vetëm përmes bashkëpunimit konkret mund ta çojmë përpara këtë sektor jetik për komunitetin tonë.”
– Pjerin Ndreu, Facebook
- Foto Galeri:
SHPALLJE NË KATEGORINË E ULËT DREJTUESE, LËVIZJE PARALELE, NGRITJE NË DETYRË, PRANIM NGA JASHTË SHËRBIMIT CIVIL
SHPALLJE NË KATEGORINË E ULËT DREJTUESE, LËVIZJE PARALELE, NGRITJE NË DETYRË, PRANIM NGA JASHTË SHËRBIMIT CIVIL 1. Shpallje, Përgjegjës Sektori, Sektori i Arsimit Parauniversitar, Rinisë dhe Sporteve,
NJOFTIM – Per thirrjen e mbledhjes se radhes te Keshillit Bashkiak Lezhe, dt. 26.03.2026
NJOFTIM – Per thirrjen e mbledhjes se radhes te Keshillit Bashkiak Lezhe, dt. 26.03.2026 Projekt-Vendimet:
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL Shpallje, Specialist i Ndihmës Ekonomike, në Sektorin e Ndihmës Ekonomike dhe PAK, në Drejtorinë e Shërbimit dhe Kujdesit
Thirrje për mbështetje të projekteve artistike kulturore
BASHKIA LEZHË
DREJTORIA E KULTURËS DHE TRASHËGIMISË KULTURORE
THIRRJE PËR MBËSHTETJE TË PROJEKTEVE ARTISTIKE KULTURORE
Në kuadër të politikave për zhvillimin dhe promovimin e jetës kulturore në qytet, Bashkia Lezhë shpall konkurs të hapur për mbështetjen e projekteve që synojnë zhvillimin e aktiviteteve kulturore-artistike dhe promovimin e trashëgimisë kulturore të qytetit tonë.
Qëllimi i këtij konkursi është të mbështesë iniciativa që kontribuojnë në pasurimin e jetës kulturore të qytetit, ruajtjen dhe promovimin e vlerave të trashëgimisë kulturore, si dhe rritjen e pjesëmarrjes së komunitetit në aktivitete kulturore dhe artistike.
1. Subjektet që mund të aplikojnë
Në këtë konkurs mund të aplikojnë:
• Organizata jofitimprurëse që veprojnë në fushën e kulturës dhe artit
• Shoqata dhe grupe komunitare
• Artistë dhe krijues individualë
• Institucione arsimore dhe kulturore
2. Fushat prioritare të mbështetjes
Projektet e paraqitura duhet të lidhen me një ose disa nga këto fusha:
• Organizimi i aktiviteteve kulturore dhe artistike (ekspozita, koncerte, festivale, shfaqje teatrore, aktivitete letrare, etj.)
• Projekte që promovojnë traditat, zakonet dhe identitetin kulturor të qytetit
• Aktivitete që synojnë ruajtjen dhe promovimin e trashëgimisë kulturore materiale dhe jomateriale
• Projekte edukative dhe ndërgjegjësuese për të rinjtë në fushën e kulturës dhe artit
3. Kriteret e vlerësimit
Projektet do të vlerësohen mbi bazën e këtyre kritereve:
• Vlera dhe cilësia kulturore-artistike e projektit
• Ndikimi dhe përfshirja e komunitetit
• Qartësia dhe realizueshmëria e planit të aktiviteteve
• Origjinaliteti dhe qëndrueshmëria e projektit
4. Dokumentacioni i nevojshëm për aplikim
Aplikantët duhet të dorëzojnë:
• Formularin e aplikimit të plotësuar
• Përshkrimin e detajuar të projektit
• Planin e aktiviteteve dhe afatet e realizimit
• Buxhetin e detajuar të projektit
• CV-në ose profilin e aplikantit/organizatës
5. Afati i aplikimit
Afati i fundit për dorëzimin e aplikimeve është deri në datën 30 shtator 2026
Aplikimet mund të dorëzohen:
• pranë Bashkisë Lezhë, ose
• në adresën elektronike: kultura@lezha.gov.al
Bashkia Lezhë fton të gjithë aktorët e fushës së kulturës dhe artit të kontribuojnë me ide dhe projekte që ndihmojnë në ruajtjen, zhvillimin dhe promovimin e trashëgimisë kulturore dhe jetës artistike të qytetit tonë.