SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL 1. Shpallje, Specialist Mjedisi, në sektorin e Infrastrukturës, Shërbimeve Pyblike dhe Medisit, në Drejtorinë e Shërbimev
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL 1. Shpallje, Specialist i Mbrojtjes së Fëmijëve, Sektori i Kujdesit Social dhe Njësisë së Mbrojtjes së Fëmijëve, në Drejt
Vajzat e Lezhës — Kampione të Shqipërisë U-16
Vajzat e Lezhës — Kampione të Shqipërisë U-16
Vajzat lezhjane, kampione të Shqipërisë në kategorinë U-16 për femra, zbukuruan sot zyrën time me praninë e tyre dhe me trofeun e merituar!
Një ndjenjë krenarie jo vetëm për rezultatin e jashtëzakonshëm, por edhe për kontributin që këto vajza japin çdo ditë në energjizimin dhe promovimin e sportit në qytetin tonë.
Fitorja në shkallë kombëtare është “qershia mbi tortë”, një kurorë suksesi që ato ia dhurojnë me dinjitet qytetit të Lezhës.
Mirënjohje dhe falënderime të veçanta për trajneret e përkushtuara, Gentjana Nicaj dhe Vjollca Qose, për punën, sakrificat dhe përkushtimin e tyre të palodhur në rrugëtimin drejt këtij suksesi. 👏👏👏
Urime kampioneve! 🙏
– Pjerin Ndreu, Facebook
- Foto Galeri:
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL
SHPALLJE NË KATEGORINË EKZEKUTIVE, LËVIZJE PARALELE, PRANIM NË SHËRBIMIN CIVIL 1. Shpallje, Specialist për Hartimin e Pagave, në Sektorin e Hartimit, Zbatimit të Buxhetit dhe Pagave, në Drejtorinë e F
Aktivitet Frymëzues me të Rinjtë e Shkollës “Kosova”
Aktivitet Frymëzues me të Rinjtë e Shkollës "Kosova"
Sot, në ambientet e Qendrës Rinore Lezhë, u zhvillua një aktivitet frymëzues me të rinjtë e Shkollës “Kosova”, ku në fokus ishin debati, konkurrenca pozitive dhe talentet e tyre.
Përmes diskutimeve, sfidave dhe prezantimeve të ndryshme, të rinjtë patën mundësinë të shprehin idetë, aftësitë dhe vizionin e tyre për të ardhmen. Aktiviteti shërbeu si një hapësirë motivuese për të reflektuar mbi talentet individuale dhe rrugët që secili mund të ndjekë për t’i zhvilluar ato më tej.
Energjia, kreativiteti dhe pjesëmarrja aktive e të rinjve dëshmuan potencialin e madh që ata mbartin, si dhe rëndësinë e mbështetjes së tyre në çdo hap të rrugëtimit drejt suksesit.
Qendra Rinore Lezhë vazhdon të jetë një hapësirë e hapur dhe mbështetëse për të gjithë të rinjtë, duke promovuar vlerat, talentet dhe zhvillimin e tyre personal e profesional.
Njoftim për organizimin e dëgjesës publike në lidhje me miratimin e listës së pjesshme paraprake të pronave të paluajtshme shtetërore që kërkohet të transferohen në pronësi të Bashkisë Lezhë
Njoftim për organizimin e dëgjesës publike në lidhje me miratimin e listës së pjesshme paraprake të pronave të paluajtshme shtetërore që kërkohet të transferohen në pronësi të Bashkisë Lezhë Njoftim P
Talent Lezhian Fiton Konkurs Kombëtar Arkitekture
Talent Lezhian Fiton Konkurs Kombëtar Arkitekture
Talentet nga Lezha vazhdojnë të na bëjnë krenarë!
Sot pata kënaqësinë të mirëpres në zyrë Miranda Ndojin, studenten e arkitekturës pranë Universitetit Politeknik të Tiranës, e cila u shpall një nga tre fitueset e Konkursit Kombëtar “Kullat e Vrojtimit – Inteligjenca Natyrale, Artificiale dhe Kolektive”.
Projekti i saj fitues në Lagunën e Vainit ka vlera në arkitekturë, ekologji dhe turizëm, duke synuar monitorimin e faunës, zbulimin e hershëm të zjarreve dhe krijimin e një atraksioni të ri turistik për zonën.
Urime, Miranda! Lezha vazhdon të shkëlqejë përmes të rinjve të saj.
1 Qershori — Ditë Gëzimi për Fëmijët
1 Qershori — Ditë Gëzimi për Fëmijët
Në kuadër të Festës së Fëmijëve, 1 Qershorit, Shërbimi Lëvizës organizoi një aktivitet të veçantë për fëmijët me AK, duke u dhuruar atyre një ditë plot gëzim, argëtim dhe momente të bukura së bashku.
Aktiviteti u zhvillua në ambientet e Rafaelo Resort, të cilët na mirëpritën dhe na vunë në dispozicion hapësirat e tyre për realizimin e kësaj dite festive. Një falënderim i veçantë shkon edhe për Pëllumbi 87 për mbështetjen e tyre të vlefshme.
Fëmijët shijuan ëmbëlsira, lojëra në këndin e argëtimit dhe një shëtitje të këndshme përgjatë bregdetit, duke krijuar kujtime të bukura dhe buzëqeshje pa fund.
Çdo buzëqeshje e tyre është motivimi ynë më i madh.
Nata Finale e Lezha Talent 2026
Nata Finale e Lezha Talent 2026
U mbyll me shumë emocion, energji dhe sukses nata finale e Lezha Talent 2026!
Një rrugëtim i bukur talentesh, emocionesh dhe pune të palodhur, që solli në skenë fëmijë të mrekullueshëm nga të gjitha njësitë administrative të Bashkisë Lezhë, duke konkurruar me pasion në zhanret këngë, kërcim dhe aktrim.
Një falënderim i veçantë shkon për të gjithë konkurentët tanë të vegjël për përkushtimin dhe emocionet që na dhuruan.
Mirënjohje për jurinë profesionale, për vlerësimin me seriozitet, përkushtim dhe përgjegjësi gjatë gjithë këtij rrugëtimi artistik.
Faleminderit ZVA Lezhë për bashkëpunimin në realizimin e këtij aktiviteti.
Mirënjohje për punën dhe përkushtimin e stafit të Qendrës Kulturore të Fëmijëve “Gjergj Lacaj”, si dhe për ideatorin dhe regjisorin Olsi Tetaj.
Faleminderit publikut për duartrokitjet, emocionet dhe mbështetjen!
Lezha Talent 2026 u mbyll, por talentet sapo kanë nisur rrugëtimin e tyre!
“Poezi nën Yje” — Një Mbrëmje e Paharrueshme në Kalasë e Lezhës
"Poezi nën Yje" — Një Mbrëmje e Paharrueshme në Kalasë e Lezhës
Nën perëndimin magjepsës të diellit, në Ballkonin e Kalasë së Lezhës, natyra dhe poezia u shkrinë në një mbrëmje të veçantë artistike të titulluar “Poezi nën yje”, duke krijuar një atmosferë të paharrueshme për të gjithë pjesëmarrësit.
Mbi 20 poetë lezhjanë dhe të ftuar sollën para publikut vargje që përcollën emocione, kujtime dhe reflektime, ndërsa diskutimet letrare, muzika dhe mikpritja e ngrohtë e bënë këtë takim edhe më të veçantë.
Në këtë natë magjike nuk mungoi as vera e mirë e Kallmetit, e cila i shtoi shijen një mbrëmjeje ku arti, historia dhe natyra u bashkuan në harmoni të plotë.
Falënderojmë Klubin e Letrave “Ndoc Gjetja” për bashkëpunimin në realizimin e kësaj veprimtarie, si dhe poetët e ardhur nga Tirana, Shkodra dhe diaspora, të cilët me praninë dhe krijimtarinë e tyre i dhanë një dimension më të gjerë kësaj mbrëmjeje të dedikuar poezisë.
