Workshop: “Building Synergy between Public and Private Sectors to Enhance Blue Flag Criteria and Standards in the Region”
Workshopi “Building Synergy between Public and Private Sectors to Enhance Blue Flag Criteria and Standards in the Region” u zhvillua me sukses më 19 Maj 2025 në Lezhë!
Ky aktivitet u organizua në kuadër të projektit Blue Flag, i cili zbatohet si pjesë e programit Interreg IPA South Adriatic, duke sjellë së bashku partnerë nga Italia, Mali i Zi dhe Shqipëria për të forcuar bashkëpunimin ndërkufitar në fushën e turizmit të qëndrueshëm.
Gjatë workshopit u diskutuan strategjitë kombëtare dhe lokale për zhvillimin e turizmit, kriteret dhe standardet për certifikimin Blue Flag, si dhe u prezantuan përvoja konkrete nga komuna e Ugentos në Itali.
Një fokus i veçantë iu kushtua rëndësisë së certifikimit Blue Flag nga një këndvështrim mjedisor dhe i zhvillimit të qëndrueshëm, me pjesëmarrjen aktive të organizatave mjedisore dhe ekspertëve të fushës.
Operatorët turistikë të Lezhës ndanë përvojat e tyre në menaxhimin e shërbimeve dhe sfidat për përmbushjen e standardeve ekologjike.
Në përmbyllje, Kryetari i Bashkisë Lezhë, z. Pjerin Ndreu, zhvilloi një takim të hapur me operatorët turistikë, duke theksuar rëndësinë e përqasjes ndaj standardeve të Blue Flag dhe bashkëpunimit të të gjitha palëve për një sezon turistik të suksesshëm dhe të qëndrueshëm.- Foto Galeri:
