Krenari e veçantë për Anamaria Prendin, një nga talentet më të spikatura lezhjane në violinë, e cila me thjeshtësinë dhe mirënjohjen e saj nuk harron të vlerësojë mbështetjen e marrë në rrugëtimin e saj artistik.
“Në Gjurmët e Lezhës” — një ditë që lidhi historinë, natyrën dhe bregdetin tonë
Më 17 korrik, Bashkia Lezhë organizoi turin promovues “Në Gjurmët e Lezhës”, në kuadër të URBACT Pioneers Accelerator. Përfaqësues të bashkisë, biznese turistike, guida dhe të ftuar ndoqën një itinerar që lidhi Memorialin e Skënderbeut, Muzeun e ri Arkeologjik, Kalanë e Lezhës, dunat e mahnitshme të Rana e Hedhun në Shëngjin dhe Lagunën e mbrojtur Kune-Vain, duke u mbyllur me një darkë me shije lokale.
Nga panorama mbresëlënëse e kalasë mbi Adriatik, te shtigjet prej druri të lagunës plot shpendë, pjesëmarrësit përjetuan nga afër pasuritë që e bëjnë Lezhën të veçantë. Aktiviteti nuk ishte thjesht një ditë promovuese, por edhe një test në terren i një itinerari model, që synon t’u ofrohet në të ardhmen vizitorëve vendas dhe të huaj. Ai konfirmoi se Lezha ka gjithçka për t’u bërë një destinacion gjithëvjetor — histori, natyrë, bregdet dhe gastronomi, të gjitha të lidhura në një ditë të vetme. Ky itinerar do të dokumentohet e promovohet më tej, si pjesë e ofertës turistike të qytetit, me synimin që Lezha të njihet gjithnjë e më shumë si destinacion i plotë, jo vetëm si qytet buzë detit. 🏛️🌊
Lezha përtej bregdetit – Të rinjtë në zbulim të Trashëgimisë Lokale
Projekti i shoqatës “Ambasadorët e Paqes”, i financuar nga Bashkia Lezhë dhe Programi ReLOaD3, po angazhon 25 të rinj në zbulimin dhe promovimin e pasurive kulturore e natyrore të Lezhës.Deri tani janë evidentuar 30 asete turistike dhe 15 biznese e aktorë lokalë, të cilët do të bëhen pjesë e 4 itinerareve të reja turistike. Projekti do të përmbyllet gjithashtu me botimin e një libri me legjenda dhe gojëdhëna nga zonat rurale të Bashkisë Lezhë.Një nismë që vlerëson trashëgiminë tonë dhe krijon mundësi të reja për zhvillimin e turizmit lokal. 
~Pjerin Ndreu, Facebook
Sot, së bashku me Kryetaren e suksesshme të Bashkisë Roskovec, Majlinda Bufi, dhe stafet tona, zhvilluam një bashkëbisedim të frytshëm dhe një shkëmbim të vlefshëm idesh, praktikash dhe përvojash të ndërsjella.
Tradition, Culture, Nature & Hospitality
“Sot finalizuam binjakëzimin mes Bashkisë Lezhë dhe Komunës së Bra-s në Itali, duke hedhur një tjetër hap të rëndësishëm në forcimin e marrëdhënieve mes komuniteteve tona.
Nisma për këtë partneritet lindi edhe si një vlerësim për komunitetin e madh zadrimor që jeton dhe punon në Bra, një komunitet që ndër vite ka përfaqësuar me dinjitet kulturën e Zadrimës dhe vlerat më të mira të vendit tonë.
Së bashku me Kryetarin e Komunës Bra, Z. Giovanni Fogliato, nënshkruam marrëveshjen në praninë e përfaqësuesve institucionalë, delegacionit italian dhe bashkëatdhetarëve tanë që jetojnë e kontribuojnë në këtë komunë.
Ky binjakëzim do të shërbejë si një urë bashkëpunimi për të afruar edhe më shumë qytetarët tanë, duke krijuar mundësi të reja shkëmbimi, zhvillimi dhe miqësie mes Lezhës dhe Bra-s.”
– Pjerin Ndreu, Facebook
“Në prezencën e GIZ Gjerman në Shqipëri dhe përfaqësuesve të 15 bashkive të vendit që kanë shprehur interes për replikimin e skemës së re të pastrimit, sot në Lezhë u demonstruan arritjet dhe sfidat e kësaj skeme.
Gjithashtu, projekti që pritet të nisë së shpejti për qendrën multifunksionale të trajtimit të mbetjeve të riciklueshme, i projektuar nga GIZ dhe i financuar bashkërisht me Bashkinë Lezhë, u prezantua si një ndër projektet më të plota që aplikohet për herë të parë në Shqipëri.
Lezha drejt një transformimi dhe modeli bashkëkohor në pastërti dhe mjedis!” – Pjerin Ndreu, Facebook
Lezha Prezanton Skemën e Re të Pastrimit dhe Projektin e Qendrës Multifunksionale të Mbetjeve
Në prezencën e përfaqësuesve të GIZ Gjermane në Shqipëri dhe përfaqësuesve të 15 bashkive të vendit që kanë shprehur interes për replikimin e skemës së re të pastrimit, sot në Lezhë u demonstruan arritjet dhe sfidat e kësaj skeme.
Gjithashtu, projekti që pritet të nisë së shpejti për qendrën multifunksionale të trajtimit të mbetjeve të riciklueshme, i projektuar nga GIZ dhe i financuar bashkërisht nga Bashkia Lezhë, u prezantua si një ndër projektet më të plota që aplikohet për herë të parë në Shqipëri.
Lezha drejt një transformimi dhe modeli bashkëkohor në pastërti dhe mjedis!
