lajme Archives - Page 2 of 23

712686450_1436637868505410_8656229661883563474_n

1 Qershori — Ditë Gëzimi për Fëmijët

Në kuadër të Festës së Fëmijëve, 1 Qershorit, Shërbimi Lëvizës organizoi një aktivitet të veçantë për fëmijët me AK, duke u dhuruar atyre një ditë plot gëzim, argëtim dhe momente të bukura së bashku.

Aktiviteti u zhvillua në ambientet e Rafaelo Resort, të cilët na mirëpritën dhe na vunë në dispozicion hapësirat e tyre për realizimin e kësaj dite festive. Një falënderim i veçantë shkon edhe për Pëllumbi 87 për mbështetjen e tyre të vlefshme.

Fëmijët shijuan ëmbëlsira, lojëra në këndin e argëtimit dhe një shëtitje të këndshme përgjatë bregdetit, duke krijuar kujtime të bukura dhe buzëqeshje pa fund.

Çdo buzëqeshje e tyre është motivimi ynë më i madh.

~Pjerin Ndreu, Facebook

711630931_1393753389474996_820604224896365266_n

Nata Finale e Lezha Talent 2026

U mbyll me shumë emocion, energji dhe sukses nata finale e Lezha Talent 2026!

Një rrugëtim i bukur talentesh, emocionesh dhe pune të palodhur, që solli në skenë fëmijë të mrekullueshëm nga të gjitha njësitë administrative të Bashkisë Lezhë, duke konkurruar me pasion në zhanret këngë, kërcim dhe aktrim.

Një falënderim i veçantë shkon për të gjithë konkurentët tanë të vegjël për përkushtimin dhe emocionet që na dhuruan.

Mirënjohje për jurinë profesionale, për vlerësimin me seriozitet, përkushtim dhe përgjegjësi gjatë gjithë këtij rrugëtimi artistik.

Faleminderit ZVA Lezhë për bashkëpunimin në realizimin e këtij aktiviteti.

Mirënjohje për punën dhe përkushtimin e stafit të Qendrës Kulturore të Fëmijëve “Gjergj Lacaj”, si dhe për ideatorin dhe regjisorin Olsi Tetaj.

Faleminderit publikut për duartrokitjet, emocionet dhe mbështetjen!

Lezha Talent 2026 u mbyll, por talentet sapo kanë nisur rrugëtimin e tyre!

~ Pjerin Ndreu, Facebook

711448498_1392986762884992_5000030378895503786_n

“Poezi nën Yje” — Një Mbrëmje e Paharrueshme në Kalasë e Lezhës

"Poezi nën Yje" — Një Mbrëmje e Paharrueshme në Kalasë e Lezhës

Nën perëndimin magjepsës të diellit, në Ballkonin e Kalasë së Lezhës, natyra dhe poezia u shkrinë në një mbrëmje të veçantë artistike të titulluar “Poezi nën yje”, duke krijuar një atmosferë të paharrueshme për të gjithë pjesëmarrësit.

Mbi 20 poetë lezhjanë dhe të ftuar sollën para publikut vargje që përcollën emocione, kujtime dhe reflektime, ndërsa diskutimet letrare, muzika dhe mikpritja e ngrohtë e bënë këtë takim edhe më të veçantë.

Në këtë natë magjike nuk mungoi as vera e mirë e Kallmetit, e cila i shtoi shijen një mbrëmjeje ku arti, historia dhe natyra u bashkuan në harmoni të plotë.

Falënderojmë Klubin e Letrave “Ndoc Gjetja” për bashkëpunimin në realizimin e kësaj veprimtarie, si dhe poetët e ardhur nga Tirana, Shkodra dhe diaspora, të cilët me praninë dhe krijimtarinë e tyre i dhanë një dimension më të gjerë kësaj mbrëmjeje të dedikuar poezisë.

~ Pjerin Ndreu, Facebook

709005530_1391208466396155_7871410945854633715_n

Bashkia Lezhë Mbështet të Rinjtë përmes Programit ReLOaD

Bashkia Lezhë mbështet të rinjtë përmes programit ReLOaD!

Në kuadër të programit #ReLOaD dhe me mbështetjen financiare të Bashkisë Lezhë, u zhvillua eventi përmbyllës i projektit “Fuqizimi i të Rinjve për Ruajtjen dhe Promovimin e Trashëgimisë Kulturore”.

Dhjetëra të rinj u bënë pjesë e këtij programi të organizuar nga AlbGreen dhe Teen Things, duke marrë pjesë në trajnime, praktika, vizita studimore, performanca skenike dhe aktivitete të artit pamor, të cilat kontribuan në promovimin e trashëgimisë kulturore dhe fuqizimin e rolit të të rinjve në komunitet.

Ky projekt u financua nga Bashkia Lezhë në kuadër të programit ReLOaD, duke krijuar më shumë hapësira për angazhimin, zhvillimin dhe aktivizimin e të rinjve në jetën kulturore dhe sociale të qytetit.

~ Pjerin Ndreu, Facebook

Lezha Hap Zyrtarisht Sezonin Turistik 2026 në Shëngjin

Lezha mbrëmë në Shëngjin hapi zyrtarisht sezonin turistik 2026!

Me pjesëmarrjen e Ministrit të Bujqësisë, Andis Salla, Ministrit të Mbrojtjes, Ermal Nufi, Kryetarit të Komisionit të Ligjeve, Ulsi Manja, Ambasadorit të Kosovës në Tiranë, Skënder Dyrmishi, kryetarëve të komunave të Deçanit dhe Klinës, Bashkim Ramosaj dhe Zenun Elezi, si dhe kryetarëve të Bashkive Pogradec dhe Malësi e Madhe, Ilir Xhakolli dhe Tonin Marinaj, bashkë me shumë të ftuar, qytetarë dhe biznese.

Oferta turistike, njësitë akomoduese hoteliere, gastronomia, punimet artistike të zonës, lojërat për fëmijë, aktivitetet në det dhe koncerti artistik ishin të gjitha në harmoni për promovimin e turizmit lezhjan. Gjithë potenciali turistik në një panair!

~ Pjerin Ndreu, Facebook

Muzeu Arkeologjik i Lezhës — Hapur Zyrtarisht më 18 Maj

Muzeu Arkeologjik në Lezhë!

Sot, më 18 Maj, në Ditën Ndërkombëtare të Muzeve, në Lezhë, së bashku me Ministrin e Turizmit, Kulturës dhe Sporteve, Blendi Gonxhja, Drejtoreshën e Përgjithshme të SASPAK, Eridana Çano, dhe Përfaqësuesen e Delegacionit të Bashkimit Europian në Shqipëri, Entela Sulka, u hapën zyrtarisht dyert e Muzeut Arkeologjik të ndërtuar tek Kalaja e Lezhës.

Ky muze i shtohet mozaikut të pasur të thesareve kulturore dhe atraksioneve turistike që ofron Lezha, duke i dhënë qytetit një tjetër pikë të rëndësishme referimi për vizitorët vendas dhe të huaj.

E veçanta e këtij muzeu është eksperienca inovative që ai ofron, përmes mundësisë për të përjetuar një vizitë virtuale në Odën e Zejtarisë në Gjakovë, duke lidhur trashëgiminë kulturore përtej kufijve dhe duke sjellë historinë më pranë turistëve e vizitorëve.

~ Pjerin Ndreu, Facebook

702384072_2785082821827216_8110534728660636238_n

Besëlidhja Lezhë — Kampionë për të Tretin Vit Radhazi!

Besëlidhja Lezhë në basketboll për meshkuj, për të tretin vit radhazi kampionë!

Sonte, në ndeshjen e tretë të play-off-it, fitoi ndaj Tiranës me rezultatin 103-84!

Urime djemve që bënë historinë, trajnerit të talentuar Afrim Bilali, stafit drejtues dhe biznesit lezhjan që e ka mbështetur ekipin në çdo hap të tij.

Të tjera suksese dhe më shumë arritje në vitin që vjen!

Faleminderit, djema, që na bëni krenarë!

~ Pjerin Ndreu, Facebook

699504899_967037436036098_209610041221274683_n

Java e Familjes — Momente të Ngrohta me Fëmijët e Qendrës së Zhvillimit Ditor

Në kuadër të Javës së Familjes, sot, së bashku me fëmijët dhe të rinjtë e Qendrës së Zhvillimit Ditor, organizuam një aktivitet të veçantë, të mbushur me buzëqeshje dhe momente të ngrohta.

Gjatë këtij aktiviteti biseduam mbi rëndësinë e familjes në jetën e secilit prej nesh, duke ndarë mendime, emocione dhe mesazhe të bukura për dashurinë, kujdesin dhe mbështetjen që familja fal çdo ditë. Në një atmosferë të këndshme dhe miqësore, kaluam kohë cilësore së bashku, duke forcuar ndjenjën e afërsisë dhe bashkëpunimit me njëri-tjetrin.

Një falënderim i veçantë shkon për Ara Shëngjin për mikpritjen e ngrohtë dhe atmosferën e këndshme që na ofruan, duke e bërë këtë aktivitet më të bukur dhe më të veçantë.

~Pjerin Ndreu, Facebook

675448370_2761384227530409_3593354631662892426_n

Dita Botërore të Librit, Prill 2026

“Në Ditën Botërore të Librit, Lezha mirëpriti tre emra të rëndësishëm të letrave shqipe: shkrimtarin dhe politikanin Namik Dokle, poetin nga Prishtina Lulzim Tafa, Laureat i çmimit “At Gjergj Fishta 2025”, si dhe përkthyesen Milena Selimi, gjithashtu laureate e këtij çmimi në zhanrin e përkthimit.
Gjatë aktivitetit, intelektualë dhe krijues nga Lezha bashkëbiseduan me të ftuarit, duke ndarë pyetje, përshtypje dhe ide mbi krijimtarinë e tyre letrare, si dhe vlerësime për rrugëtimin dhe misionin që ata përfaqësojnë.
Lezha po shndërrohet gjithnjë e më shumë në një kryeqendër mbarëkombëtare të librit. Kjo falë jo vetëm aktiviteteve dinjitoze si ky i sotmi, por edhe dy çmimeve prestigjioze “At Zef Pllumi” dhe “At Gjergj Fishta”, që e kthejnë qytetin në një vatër ku libri dhe misioni i tij mbeten një vokacion i gjallë.”
– Pjerin Ndreu, Facebook

- Foto Galeri:

673880050_2758681454467353_7672653618603757727_n

Bashkia Lezhë nderohet me çmimin ndërkombëtar “Green Champions 2026”

Krenarë për atë që po arrijmë!
Në një ceremoni të bukur në Sibiu, Rumani, u nderuam me çmimin ndërkombëtar “Green Champions 2026”.
Ky është një vlerësim për punën e vazhdueshme, përkushtimin e çdo anëtari të stafit , nga drejtuesit te punonjësi më i thjeshtë – përgjegjshmërinë dhe ambicien për të ecur gjithmonë përpara.
Lezha po afirmohet gjithnjë e më shumë si një faktor i rëndësishëm edhe në tryezat ndërkombëtare!
Faleminderit rrjetit të Autoriteteve Vendore të Evropës Juglindore, NALAS për përzgjedhjen!
– Pjerin Ndreu, Facebook

- Foto Galeri: