Ndarja e Çmimeve “At' Gjergj Fishta” edicioni 2026.

Ndarja e Çmimeve “At’ Gjergj Fishta” edicioni 2026.

Në kuadër të 155-vjetorit të lindjes , At’ Gjergj Fishta, në qytetin e Lezhës u zhvillua ceremonia e ndarjes së Çmimeve “At’ Gjergj Fishta”, edicioni 2026.Në këtë aktivitet të rëndësishëm kulturor, i cili mblodhi personalitete të artit, kulturës dhe letërsisë, ishte i pranishëm edhe Kryetari i Bashkisë Lezhë, z.Pjerin Ndreu duke u bërë pjesë e një veprimtarie që synon të nderojë trashëgiminë e një prej figurave më të shquara të kulturës kombëtare dhe të promovojë krijimtarinë bashkëkohore shqiptare.

Mes 83 veprave të paraqitura në konkurrim, juria e përbërë nga Preç Zogaj, Suela Mino dhe Gani Mehmetaj përzgjodhi fituesit në tri kategori:

Proza më e mirë: Flutura Açka, me romanin “1914”, botuar nga MediaPrint.

Përkthimi më i mirë: Agron Tufa, me veprën “Gropa e themelit”, botuar nga Botime Dukagjin.

Vëllimi poetik më i mirë: Rudolf Marku, me librin “Kthimet”, botuar nga Botime Onufri.

Çmimet “At’ Gjergj Fishta” përfaqësojnë një vlerësim të veçantë për autorët dhe krijimtarinë letrare, duke sjellë në vëmendje rëndësinë e librit, gjuhës shqipe dhe kontributit të shkrimtarëve në pasurimin e kulturës sonë kombëtare.Për Lezhën, qytetin që lidhet ngushtë me emrin, jetën dhe veprën e At’ Gjergj Fishtës, ky aktivitet përbën një moment të rëndësishëm në kalendarin kulturor, duke forcuar traditën e vlerësimit të krijimtarisë dhe promovimit të vlerave që përcillen brez pas brezi.Lezha vijon të mbajë gjallë trashëgiminë e Fishtës, duke i dhënë letërsisë, kulturës dhe artit vendin që meritojnë në jetën e qytetit.

Post Views: 28

lajme

LEZHA DHE LIMONE SUL GARDA, URË BASHKËPUNIMI NË FUSHËN E TURIZMIT!

Bashkia Lezhë mirëpriti sot një delegacion të Komunës së Limone sul Garda, Itali, në kuadër të një takimi të fokusuar në forcimin e marrëdhënieve ndërinstitucionale dhe evidentimin e mundësive për bashkëpunim në fushën e turizmit.Gjatë takimit u diskutuan mundësitë e shkëmbimit të përvojave dhe praktikave më të mira në zhvillimin dhe promovimin e turizmit, me vëmendje të veçantë ndaj potencialeve turistike të Lezhës dhe mënyrave për shfrytëzimin e tyre në funksion të zhvillimit të qëndrueshëm të këtij sektori.

Komuna e Limone sul Garda përfaqëson një model të suksesshëm të zhvillimit turistik, ku bukuritë natyrore, trashëgimia kulturore, tradita dhe promovimi ndërkombëtar kanë kontribuar në krijimin e një destinacioni me rëndësi të veçantë turistike.Nga ana tjetër, Lezha disponon një potencial të konsiderueshëm natyror, historik dhe kulturor, i cili përbën një bazë të rëndësishme për zgjerimin e ofertës turistike dhe rritjen e atraktivitetit të saj për vizitorët vendas dhe të huaj.

Takimi u vlerësua si një mundësi për krijimin e urave të reja të bashkëpunimit, shkëmbimin e eksperiencave dhe identifikimin e nismave të përbashkëta që mund të kontribuojnë në promovimin dhe zhvillimin e mëtejshëm të turizmit në Lezhë.

Bashkia Lezhë, finaliste në “The Innovation in Politics Awards 2026”!

Një tjetër vlerësim ndërkombëtar për punën dhe përkushtimin në ofrimin e shërbimeve sociale gjithëpërfshirëse!

Drejtoria e Shërbimit Social e Bashkisë Lezhë prezantoi në konkursin ndërkombëtar “The Innovation in Politics Awards 2026”, të zhvilluar më 30 tetor në Portugali, projektin “Tungjatjeta Jetë – Një qendër komunitare për çdo familje” (Hello Life: A Community Centre for Every Family).

Projekti, i zbatuar pranë Qendrës Komunitare Multifunksionale të Bashkisë Lezhë, ofron shërbime të specializuara në qendër dhe në banesë për fëmijët me aftësi të kufizuara, duke mbështetur njëkohësisht familjet e tyre dhe duke nxitur përfshirjen sociale.

Mes 300 aplikimeve nga 35 vende të ndryshme, projekti ynë u përzgjodh ndër finalistët e këtij konkursi prestigjioz, në kategorinë “Public Health & Ageing Society”.

Kjo arritje është një vlerësim për punën e përkushtuar të stafit, për modelin e shërbimit të ndërtuar dhe mbi të gjitha për rëndësinë e vendosjes së fëmijëve dhe familjeve në nevojë në qendër të vëmendjes dhe mbështetjes institucionale.

Një motivim më shumë për të vijuar me përkushtim drejt shërbimeve sociale më cilësore, gjithëpërfshirëse dhe të aksesueshme për çdo familje!

Tungjatjeta Jetë – sepse çdo fëmijë meriton mundësi të barabarta për një jetë më të mirë!

Albanian Heritage at Europe’s Trade Fair

Lezha merr pjesë në panairin më të madh të turizmit në botë – World Travel Market London 2026!

Bashkia Lezhë, në bashkëpunim me Ministrinë e Turizmit, prezanton potencialet turistike të destinacionit të Lezhës në një nga ngjarjet më të rëndësishme ndërkombëtare të industrisë së turizmit.

Në këtë panair, Lezha promovon pasuritë e saj historike, natyrore, kulturore dhe bregdetare, duke sjellë në vëmendjen e tregjeve ndërkombëtare një destinacion që ndërthur historinë mijëravjeçare me bukuritë e natyrës dhe bregdetit Adriatik.

Përmes kësaj pjesëmarrjeje synojmë të rrisim vizibilitetin ndërkombëtar të Lezhës, të krijojmë partneritete të reja dhe të hapim mundësi të reja bashkëpunimi në tregjet turistike globale.

All