Të rinjtë në shërbim të trashëgimisë kulturore të Lezhës

July 16, 2026

Të rinjtë në shërbim të trashëgimisë kulturore të Lezhës

Lezha përtej bregdetit – Të rinjtë në zbulim të Trashëgimisë Lokale

Projekti i shoqatës “Ambasadorët e Paqes”, i financuar nga Bashkia Lezhë dhe Programi ReLOaD3, po angazhon 25 të rinj në zbulimin dhe promovimin e pasurive kulturore e natyrore të Lezhës.Deri tani janë evidentuar 30 asete turistike dhe 15 biznese e aktorë lokalë, të cilët do të bëhen pjesë e 4 itinerareve të reja turistike. Projekti do të përmbyllet gjithashtu me botimin e një libri me legjenda dhe gojëdhëna nga zonat rurale të Bashkisë Lezhë.Një nismë që vlerëson trashëgiminë tonë dhe krijon mundësi të reja për zhvillimin e turizmit lokal. ~Pjerin Ndreu, Facebook

lajme

752881056_2846006575734840_7122088834457077560_n

Anamaria Prendi, zëri i violinës lezhjane

Krenari e veçantë për Anamaria Prendin, një nga talentet më të spikatura lezhjane në violinë, e cila me thjeshtësinë dhe mirënjohjen e saj nuk harron të vlerësojë mbështetjen e marrë në rrugëtimin e saj artistik.

Anamaria na bën krenarë të gjithëve me artin që përcjell, me talentin e jashtëzakonshëm dhe përkushtimin e palodhur që e shoqëron në çdo arritje. Ajo është një shembull frymëzues se si pasioni, puna dhe këmbëngulja çojnë drejt suksesit.

Të urojmë nga zemra suksese të mëtejshme, Anamaria! Qofshin të shumta skenat ku do të shkëlqesh dhe majat e artit botëror që do të pushtosh. Lezha është krenare për ty!

~Pjerin Ndreu, Facebook

751563666_1437359275114407_2979101336666724610_n

“Në Gjurmët e Lezhës” — një ditë që lidhi historinë, natyrën dhe bregdetin tonë

“Në Gjurmët e Lezhës” — një ditë që lidhi historinë, natyrën dhe bregdetin tonë

Më 17 korrik, Bashkia Lezhë organizoi turin promovues “Në Gjurmët e Lezhës”, në kuadër të URBACT Pioneers Accelerator. Përfaqësues të bashkisë, biznese turistike, guida dhe të ftuar ndoqën një itinerar që lidhi Memorialin e Skënderbeut, Muzeun e ri Arkeologjik, Kalanë e Lezhës, dunat e mahnitshme të Rana e Hedhun në Shëngjin dhe Lagunën e mbrojtur Kune-Vain, duke u mbyllur me një darkë me shije lokale.

Nga panorama mbresëlënëse e kalasë mbi Adriatik, te shtigjet prej druri të lagunës plot shpendë, pjesëmarrësit përjetuan nga afër pasuritë që e bëjnë Lezhën të veçantë. Aktiviteti nuk ishte thjesht një ditë promovuese, por edhe një test në terren i një itinerari model, që synon t’u ofrohet në të ardhmen vizitorëve vendas dhe të huaj. Ai konfirmoi se Lezha ka gjithçka për t’u bërë një destinacion gjithëvjetor — histori, natyrë, bregdet dhe gastronomi, të gjitha të lidhura në një ditë të vetme. Ky itinerar do të dokumentohet e promovohet më tej, si pjesë e ofertës turistike të qytetit, me synimin që Lezha të njihet gjithnjë e më shumë si destinacion i plotë, jo vetëm si qytet buzë detit. 🏛️🌊

745288365_2247015419172443_2139389948112735107_n

Bashkëpunim dhe shkëmbim përvojash me Bashkinë Roskovec

Sot, së bashku me Kryetaren e suksesshme të Bashkisë Roskovec, Majlinda Bufi, dhe stafet tona, zhvilluam një bashkëbisedim të frytshëm dhe një shkëmbim të vlefshëm idesh, praktikash dhe përvojash të ndërsjella.

Një falënderim i veçantë për Majlindën për iniciativën e këtij formati, i cili forcon bashkëpunimin, nxit miqësitë dhe krijon mundësi për adresimin e problematikave bazuar në përvojat përkatëse.

Një ditë dinamike, me shumë energji pozitive dhe produktivitet!