SHPALLJE NË KATEGORINË E MESME DREJTUESE, LËVIZJE PARALELE, NGRITJE NË DETYRË, PRANIM NË SHËRBIMIN CIVIL

Njoftim mbi hapjen e thirrjes për aplikime për Programin Social të Strehimit “Subvencionimin e interesave të kredisë”

BASHKIA LEZHË

Lezhë, me 10.01.2025

NJOFTIM

Bashkia Lezhë hap thirrjen për aplikime për Programin Social të Strehimit “Subvencionimin e interesave të kredisë”. Njoftohen të gjithë qytetarët e interesuar, të paraqesin aplikimet e tyre pranë Bashkisë Lezhë nga data 10.01.2025 deri më 11.02.2025 dhe njëkohësisht të bëjnë aplikimin dhe në portalin “e-albania” .
Programi Social i Strehimit për “Subvencionimin e interesave të kredisë” synon të mbështesë familje / individë që nuk disponojnë banesë në pronësi.
Kriteret bazë për paraseleksionimin e kërkesës së paraqitur nga individët/familjet e interesuara për të përfituar nga programi social i strehimit për “Subvencionimin e interesave të kredisë”, do të jenë:

1.Individë të cilët në momentin e paraqitjes së kërkeses kanë mbushur moshën 18 vjeç;
2.Familjet të cilët në momentin e paraqitjes së kërkesës nuk kanë në pronësi një banesë;
3.Familjet që zotërojnë sipërfaqe banimi nën normat e strehimit;
4.Familjet që zotërojnë të ardhura brenda kufijve të përcaktuar në tabelën e mëposhtme;

Struktura familjare (Nr. Persona)	Struktura e Apartamentit që përfiton individi / familja	Kufiri Maksimal i Kredisë / Familje	Të ardhura Max.
1	Garsoniere	2,583,000	62 159
2	1+1	3,157,000	80 576
3-4	2+1	4,649,400	106 709 - 111 709
5 dhe më shumë	3+1	5,740,000	116 808

Përparësi në përzgjedhje do të kenë:
– Çiftet e reja dhe të rinj me moshe jo me të madhe se 40 vjeç;
– Gra kryefamiljare/gra të dhunuara;
– Familjet njëprindërore që kanë në ngarkim fëmijë;
– Familjet me mëshumë se 4 fëmijë;

Përparësitë e përcaktuara më sipër, nuk përjashtojnë individë a familje që nuk bëjnë pjesë në këto grupe.
Për më shumë informacion, paraqituni pranë Bashkisë Lezhë brenda afateve të përcaktuara më sipër.