Mali i Troashanit në Lezhë vendi i preferuar për zhvillimin e sektorit të bletarisë

April 11, 2021

Mali i Troshanit në Lezhë është vendi i preferuar për zhvillimin e sektorit të bletarise, pasi është shumë i pasur me bimë medicionale. Një mjek italian që 75 vite me parë esploroi këtë zonë qe shprehur, se: Nga Mërçia deri në Shytën e Hajmelit nuk ka nevojë për mjek pasi në Malin e Troshanit rriten 60 lloje bimësh medicionale, me shumëllojshmëri lulesh. Në këto kushte ky terren është mjaft i pelqyer për bletërritësit, pasi nuk është nën efektin negativ të pesticideve. Mjalti i Troshanit është i pelqyer e mjaft i kerkuar në tregun vendas. Kjo është dhe arsyeja që bletërritësit në këtë zonë sa vijnë dhe po shtohen. Njeri syresh Preç Ndoi, që në fermen e tij po trajton dhe mbarështimin e bletës, kërkon nga Ministria e Bujqesise dhe Qeveria subvencion dhe mbështetje më të madhe për këtë sektor e sidomos për bletërritësit e rinj.
Nxitja për të mbarështuar bletët mbetet mundësi për ruajtjen e biodiversitetit dhe sigurimin e të ardhurave. Ndaj bleterritësit e Troshanit apelojnë për më shumë përpjekje e përkujdesje edhe nga dikasteri përgjegjës me qellim që kjo qenje shumë e rëndësishme për jetët njerzore , që në ndonje rast ndjehet e rrizikuar, të zhvillohet duke qenë në shërbim të kulturave bujqësore dhe rritjes së prodhimit të mjaltit dhe nënprodukteve të tjera.

Troshan, 20.09.2018 Pergatiti Rrok Lelçaj

lajme

464273680_929117852605221_9086509361950861263_n

RE-GEN Staff Meeting

Bashkia Lezhë është partner zbatues në projektin “Public space generation through integrated urban sports hubs for the participation of young citizens”, pjesë e programit URBACT IV, i financuar nga Bashkimi Evropian. Ky projekt synon të nxisë pjesëmarrjen e të rinjve përmes krijimit të qendrave sportive urbane dhe përdorimit të hapësirave publike, duke rritur përfshirjen dhe aktivitetin e komunitetit në Lezhë dhe qytetet partnere.

Në datat 14-17 Tetor 2024, një takim i rëndësishëm i stafit të projektit u zhvillua në Dobrich, Bullgari. Diskutimet u përqendruan në progresin e projektit, planifikimin e hapave të ardhshëm dhe përmirësimin e koordinimit ndërmjet partnerëve ndërkombëtarë.

Ky bashkëpunim do të përshpejtojë zbatimin e projektit dhe krijimin e hapësirave publike më të aksesueshme dhe gjithëpërfshirëse për të rinjtë e Lezhës.

- Foto Galeri:

461988600_2261047317564105_4864862575910050228_n

Debat “Ekonomia qarkulluese per qytetet e jetueshme”

Forumi Rinor "Ekonomia Qarkulluese per Qytetet e Jetueshme"

Sot, në Lezhë, zhvilluam një forum rinor dedikuar Ekonomisë Qarkulluese dhe Qyteteve të Jetueshme, ku morën pjesë rinia nga shkollat tona. Aktiviteti u organizua nga GIZ Albania në bashkëpunim me Bashkinë Lezhë dhe kishte si qëllim të promovonte ide dhe zgjidhje për zhvillimin e qëndrueshëm të qyteteve.
Në këtë forum patëm kënaqësinë të kishim prezent Iven Schad, Drejtues i Bashkëpunimit për Zhvillim nga Ambasada Gjermane, Znj. Tina Koenig, Menaxhere e Projektit për Ekonominë Qarkulluese dhe Qytetet e Jetueshme, Znj. Erjola Duçkollari nga MTM, si dhe Znj. Greta Malaj nga AKEM.
Fokusi i takimit ishte në identifikimin e praktikave më të mira dhe inisiativave që ndihmojnë në krijimin e mjediseve urbane të jetueshme. Ky aktivitet ishte pjesë e Kalendarit të aktiviteteve për Javën Kulturore Gjermane, duke theksuar rëndësinë e bashkëpunimit ndërkombëtar në zhvillimin e qëndrueshëm.

“Në Lezhë, zhvilluam një forum rinor mbi Ekonominë Qarkulluese dhe Qytetet e Jetueshme, me pjesëmarrjen e rinisë nga shkollat tona. Aktiviteti, i organizuar nga GIZ Albania kishte si qëllim promovimin e zgjidhjeve për zhvillimin e qëndrueshëm të qyteteve.

Në forum ishin të pranishëm Iven Schad nga Ambasada Gjermane, Znj. Tina Koenig Menaxhere e Projektit BE për Ekonominë Qarkulluese dhe Qytetet e Jetueshme, Znj. Erjola Duçkollari dhe Znj. Greta Malaj. Takimi u fokusua në praktikat më të mira dhe iniciativat për krijimin e mjediseve urbane të jetueshme. Ky aktivitet ishte pjesë e Javës Kulturore Gjermane, duke theksuar rëndësinë e bashkëpunimit ndërkombëtar për zhvillimin e qëndrueshëm.” – Pjerin Ndreu, Facebook

- Foto Galeri:

461933209_2260016607667176_2102122226627336498_n

Borxhi Zero!

Kryetari i Bashkisë Lezhë ka zhvilluar aktivitetin “Borxhi Zero”, një moment i rëndësishëm për qytetin tonë. Ai njoftoi se bashkia ka likuiduar të gjitha borxhet e akumuluara ndër vite, duke hapur kështu një kapitull të ri për menaxhimin financiar të bashkisë. Kjo arritje jo vetëm që e forcon stabilitetin ekonomik, por gjithashtu krijon mundësi për investime dhe projekte të reja që do të përmirësojnë jetesën e qytetarëve.

Gjatë aktivitetit, kryetari ndau vizionin e tij për të ardhmen e Lezhës, duke theksuar rëndësinë e transparencës dhe angazhimit për zhvillimin e qëndrueshëm. Projekti për rinovimin e infrastrukturës, mbështetje për bizneset lokale dhe krijimi i hapësirave publike do të jenë në qendër të prioritetet tona. Bashkë, mund të ndërtojmë një qytet më të fortë dhe të qëndrueshëm!