Aktivitete në kuadrin e Ditës Ndërkombëtare të Romëve

April 12, 2021

Në kuadrin e Ditës Ndërkombëtare të Romëve po implementohet në Lezhë projekti “Shoqëria civile kundër ekstremizmit të dhunshëm”. Ky projekt zbatohet nga Komiteti Shqiptar i Helsinkit dhe financohet nga Bashkimi Europian. Është Shoqata e Integrimit të Romëve të Veriut që i ka dhënë jetë këtij projekti edhe për familjet e komunitetit rom dhe egjyptian që jetojnë në Lezhë.
Në këtë kuadër, duke patur dhe mbështetjen e Bashkisë Lezhë, po organizohen një sërë aktivitetesh që synojnë barazinë sociale, arsimimin dhe integrimin e këtyre komuniteteve. Hapja e ekzpozites me punimet e fëmijëve të komunitetit rom dhe egjyptian ka qënë njëri prej këtyre aktiviteteve. Në galerinë e arteve figurative të pallatit të kulturës ishin ekspozuar punimet më të mira që kishin si temë kryesore paqen. Skulptori Ymer Metalia evidentoi talentin e këtyre fëmijëve që shfaqet në pikturat e paraqitura. Ndërsa drejtori i Arsimit, Turizmit e Kulturës pranë Bashkisë Lezhë, z.Ardian Laçi, në emër të kryetarit Fran Frrokaj, falenderoi fëmijët për punët e realizuara dhe premtoi mbështetjen e institucionit në inkurajimin e këtyre talenteve. Kryetari i shoqatës “Integrimi i Romëve të Veriut” Man Sinani shprehu mirënjohje ndaj gjithë atyre që mendojnë e finacojnë me projekte integruese për këto komunitete. Në fund, për fëmijët që kishin realizuar punimet më të mira u dhanë dhe çmime.
Aktivitetet në Lezhë po vijojnë gjatë gjithë këtyre ditëve, të emërtuara si java e komunitetit rom dhe egjyptian.
Rrok Lelçaj Lezhë, 05.04.2018

lajme

464273680_929117852605221_9086509361950861263_n

RE-GEN Staff Meeting

Bashkia Lezhë është partner zbatues në projektin “Public space generation through integrated urban sports hubs for the participation of young citizens”, pjesë e programit URBACT IV, i financuar nga Bashkimi Evropian. Ky projekt synon të nxisë pjesëmarrjen e të rinjve përmes krijimit të qendrave sportive urbane dhe përdorimit të hapësirave publike, duke rritur përfshirjen dhe aktivitetin e komunitetit në Lezhë dhe qytetet partnere.

Në datat 14-17 Tetor 2024, një takim i rëndësishëm i stafit të projektit u zhvillua në Dobrich, Bullgari. Diskutimet u përqendruan në progresin e projektit, planifikimin e hapave të ardhshëm dhe përmirësimin e koordinimit ndërmjet partnerëve ndërkombëtarë.

Ky bashkëpunim do të përshpejtojë zbatimin e projektit dhe krijimin e hapësirave publike më të aksesueshme dhe gjithëpërfshirëse për të rinjtë e Lezhës.

- Foto Galeri:

461988600_2261047317564105_4864862575910050228_n

Debat “Ekonomia qarkulluese per qytetet e jetueshme”

Forumi Rinor "Ekonomia Qarkulluese per Qytetet e Jetueshme"

Sot, në Lezhë, zhvilluam një forum rinor dedikuar Ekonomisë Qarkulluese dhe Qyteteve të Jetueshme, ku morën pjesë rinia nga shkollat tona. Aktiviteti u organizua nga GIZ Albania në bashkëpunim me Bashkinë Lezhë dhe kishte si qëllim të promovonte ide dhe zgjidhje për zhvillimin e qëndrueshëm të qyteteve.
Në këtë forum patëm kënaqësinë të kishim prezent Iven Schad, Drejtues i Bashkëpunimit për Zhvillim nga Ambasada Gjermane, Znj. Tina Koenig, Menaxhere e Projektit për Ekonominë Qarkulluese dhe Qytetet e Jetueshme, Znj. Erjola Duçkollari nga MTM, si dhe Znj. Greta Malaj nga AKEM.
Fokusi i takimit ishte në identifikimin e praktikave më të mira dhe inisiativave që ndihmojnë në krijimin e mjediseve urbane të jetueshme. Ky aktivitet ishte pjesë e Kalendarit të aktiviteteve për Javën Kulturore Gjermane, duke theksuar rëndësinë e bashkëpunimit ndërkombëtar në zhvillimin e qëndrueshëm.

“Në Lezhë, zhvilluam një forum rinor mbi Ekonominë Qarkulluese dhe Qytetet e Jetueshme, me pjesëmarrjen e rinisë nga shkollat tona. Aktiviteti, i organizuar nga GIZ Albania kishte si qëllim promovimin e zgjidhjeve për zhvillimin e qëndrueshëm të qyteteve.

Në forum ishin të pranishëm Iven Schad nga Ambasada Gjermane, Znj. Tina Koenig Menaxhere e Projektit BE për Ekonominë Qarkulluese dhe Qytetet e Jetueshme, Znj. Erjola Duçkollari dhe Znj. Greta Malaj. Takimi u fokusua në praktikat më të mira dhe iniciativat për krijimin e mjediseve urbane të jetueshme. Ky aktivitet ishte pjesë e Javës Kulturore Gjermane, duke theksuar rëndësinë e bashkëpunimit ndërkombëtar për zhvillimin e qëndrueshëm.” – Pjerin Ndreu, Facebook

- Foto Galeri:

461933209_2260016607667176_2102122226627336498_n

Borxhi Zero!

Kryetari i Bashkisë Lezhë ka zhvilluar aktivitetin “Borxhi Zero”, një moment i rëndësishëm për qytetin tonë. Ai njoftoi se bashkia ka likuiduar të gjitha borxhet e akumuluara ndër vite, duke hapur kështu një kapitull të ri për menaxhimin financiar të bashkisë. Kjo arritje jo vetëm që e forcon stabilitetin ekonomik, por gjithashtu krijon mundësi për investime dhe projekte të reja që do të përmirësojnë jetesën e qytetarëve.

Gjatë aktivitetit, kryetari ndau vizionin e tij për të ardhmen e Lezhës, duke theksuar rëndësinë e transparencës dhe angazhimit për zhvillimin e qëndrueshëm. Projekti për rinovimin e infrastrukturës, mbështetje për bizneset lokale dhe krijimi i hapësirave publike do të jenë në qendër të prioritetet tona. Bashkë, mund të ndërtojmë një qytet më të fortë dhe të qëndrueshëm!