Me mbështetjen e kryebashkiakut Pjerin Ndreu, Bashkia Lezhë, me të ardhurat e saj, prej ditësh ka nisur nga puna për rehabilitimin e trotuareve tejet të amortizuara, që nuk është investuar prej shumë vitesh. Fillimisht fokusimi i ndërhyrjes është bërë në Lagjen “Skënderbeg”, ku punonjës të specializuar të Drejtorisë së Shërbimeve Publike kryejnë këtë proçes duke shtruar e niveluar shtresa rishtazi, dhe duke zëvendësuar pllakat e vjetra më të reja. Është një nismë e re kjo që me një kosto disa herë më të ulët, ka si qëllim përmirësimin e cilësisë së jetës për komunitetin qytetar të Lezhës. Pa tendera e shpenzime të tepërta, ky proçes pune do vijojë në gjithë trotuaret e rrugëve të qytetit. Bashkia ka llogaritur që shpenzimet të jenë mbi 50% më të ulëta nga sa mund të realizoheshin me tenderime projektesh. Për t’ua kthyer këto sipërfaqe të degraduara qytetarëve, paralelisht me trotuarët bashkia po punon edhe për rehabilitimin e lulishteve e gjelbërimin e mjediseve të tjera publike, ku nuk është ndërhyrë prej vitesh. Shumë shpejt Bashkia Lezhë do ndërhyjë edhe në rikonstruksionin e plotë të trotuareve e lulishteve në qytetin bregdetar të Shëngjinit, për t’i paraprirë kështu përgatitjeve për sezonin turistik të verës.
Përgatiti :Rrok Lelçaj, Lezhë, 05.02.2020
Related items
LEZHA DHE LIMONE SUL GARDA, URË BASHKËPUNIMI NË FUSHËN E TURIZMIT!
LEZHA DHE LIMONE SUL GARDA, URË BASHKËPUNIMI NË FUSHËN E TURIZMIT!
Bashkia Lezhë mirëpriti sot një delegacion të Komunës së Limone sul Garda, Itali, në kuadër të një takimi të fokusuar në forcimin e marrëdhënieve ndërinstitucionale dhe evidentimin e mundësive për bashkëpunim në fushën e turizmit.Gjatë takimit u diskutuan mundësitë e shkëmbimit të përvojave dhe praktikave më të mira në zhvillimin dhe promovimin e turizmit, me vëmendje të veçantë ndaj potencialeve turistike të Lezhës dhe mënyrave për shfrytëzimin e tyre në funksion të zhvillimit të qëndrueshëm të këtij sektori.
Komuna e Limone sul Garda përfaqëson një model të suksesshëm të zhvillimit turistik, ku bukuritë natyrore, trashëgimia kulturore, tradita dhe promovimi ndërkombëtar kanë kontribuar në krijimin e një destinacioni me rëndësi të veçantë turistike.Nga ana tjetër, Lezha disponon një potencial të konsiderueshëm natyror, historik dhe kulturor, i cili përbën një bazë të rëndësishme për zgjerimin e ofertës turistike dhe rritjen e atraktivitetit të saj për vizitorët vendas dhe të huaj.
Takimi u vlerësua si një mundësi për krijimin e urave të reja të bashkëpunimit, shkëmbimin e eksperiencave dhe identifikimin e nismave të përbashkëta që mund të kontribuojnë në promovimin dhe zhvillimin e mëtejshëm të turizmit në Lezhë.
Previous
Next
Bashkia Lezhë, finaliste në “The Innovation in Politics Awards 2026”!
Bashkia Lezhë, finaliste në “The Innovation in Politics Awards 2026”!
Një tjetër vlerësim ndërkombëtar për punën dhe përkushtimin në ofrimin e shërbimeve sociale gjithëpërfshirëse!
Drejtoria e Shërbimit Social e Bashkisë Lezhë prezantoi në konkursin ndërkombëtar “The Innovation in Politics Awards 2026”, të zhvilluar më 30 tetor në Portugali, projektin “Tungjatjeta Jetë – Një qendër komunitare për çdo familje” (Hello Life: A Community Centre for Every Family).
Projekti, i zbatuar pranë Qendrës Komunitare Multifunksionale të Bashkisë Lezhë, ofron shërbime të specializuara në qendër dhe në banesë për fëmijët me aftësi të kufizuara, duke mbështetur njëkohësisht familjet e tyre dhe duke nxitur përfshirjen sociale.
Mes 300 aplikimeve nga 35 vende të ndryshme, projekti ynë u përzgjodh ndër finalistët e këtij konkursi prestigjioz, në kategorinë “Public Health & Ageing Society”.
Kjo arritje është një vlerësim për punën e përkushtuar të stafit, për modelin e shërbimit të ndërtuar dhe mbi të gjitha për rëndësinë e vendosjes së fëmijëve dhe familjeve në nevojë në qendër të vëmendjes dhe mbështetjes institucionale.
Një motivim më shumë për të vijuar me përkushtim drejt shërbimeve sociale më cilësore, gjithëpërfshirëse dhe të aksesueshme për çdo familje!
Tungjatjeta Jetë – sepse çdo fëmijë meriton mundësi të barabarta për një jetë më të mirë!
Previous
Next
Lezha merr pjesë në panairin më të madh të turizmit në botë – World Travel Market London 2026!
Lezha merr pjesë në panairin më të madh të turizmit në botë – World Travel Market London 2026!
Bashkia Lezhë, në bashkëpunim me Ministrinë e Turizmit, prezanton potencialet turistike të destinacionit të Lezhës në një nga ngjarjet më të rëndësishme ndërkombëtare të industrisë së turizmit.
Në këtë panair, Lezha promovon pasuritë e saj historike, natyrore, kulturore dhe bregdetare, duke sjellë në vëmendjen e tregjeve ndërkombëtare një destinacion që ndërthur historinë mijëravjeçare me bukuritë e natyrës dhe bregdetit Adriatik.
Përmes kësaj pjesëmarrjeje synojmë të rrisim vizibilitetin ndërkombëtar të Lezhës, të krijojmë partneritete të reja dhe të hapim mundësi të reja bashkëpunimi në tregjet turistike globale.
