Në sheshin para Obeliskut të Besëlidhjes së Lezhës, janë bërë bashkë bulevardi që mban emrin e poetit tonë kombëtar “Gjergj Fishta” dhe kryevepra e Tij “Lahuta e Malcisë”, një vëllim poetik ky prej 17 mijë vargjesh, i cilësuar nga studiues me famë botërore si Ilijada Shqiptare, apo Bibla e Levruesve të Shqipes. Në përmbushjen e pritshmërive ndaj këtij kolosi të letrave shqipe, edhe për faktin se Lezha e lindi Fishtën, kryebashkiaku Pjerin Ndreu, realizon këtë projekt të munguar ku qytetarët e kanë mirëpritur.
Kthehemi një çast në retrospektivë. Shikoni si ishte ky rrethrrotullim vetëm pak kohë më parë. Një gomë makine i ngrirë së brendshmi në beton, një stilistikë e përçudnuar kjo, që njoftonte një rrethrrotullim të detyruar, duke krijuar një dizonancë dhe kontrast të keq me sheshin e qytetit dhe me historinë e lavdishme të Obeliskut të Kuvendit të Lezhës. Sot gjithçka është ndryshe. Janë realizuar shumë elementë urbanistikë dhe është vlerësuar emri, krijmtaria letrare dhe kryevepra e Fishtës “Lahuta e Malcisë”, ku shumë Lezhjanë e Shqiptarë, brenda dhe jashtë vendit, e dinë dhe sot atë përmendësh.
Për atdhedashurinë e tij dhe krijimtarinë e pasur letrare, Lasgush Poradeci e cilëson Fishtën si militant i letërsisë shqipe, shkëmb i tokës, shkëmb i shpirtit shqiptar, ndera e gjallë e Kombit të vet. Ndërsa Eqerem Çabej, e vlerësonte si poet kombëtar të shqiptarëve dhe Maksimilian Lamberc si Homeri Shqiptar. Lezha e mbarë kombi shqiptar ndjehen të detyruar në vlerësime dhe krenarë që Fishtën e kanë të tyre.
Përgatiti: Rrok Lelçaj, Lezhë, 06.02.2020
Related items
GIZ dhe 15 bashki njihen nga afër me suksesin e skemës së re të pastrimit në Lezhë
GIZ dhe 15 bashki njihen nga afër me suksesin e skemës së re të pastrimit në Lezhë
“Në prezencën e GIZ Gjerman në Shqipëri dhe përfaqësuesve të 15 bashkive të vendit që kanë shprehur interes për replikimin e skemës së re të pastrimit, sot në Lezhë u demonstruan arritjet dhe sfidat e kësaj skeme.
Gjithashtu, projekti që pritet të nisë së shpejti për qendrën multifunksionale të trajtimit të mbetjeve të riciklueshme, i projektuar nga GIZ dhe i financuar bashkërisht me Bashkinë Lezhë, u prezantua si një ndër projektet më të plota që aplikohet për herë të parë në Shqipëri.
Lezha drejt një transformimi dhe modeli bashkëkohor në pastërti dhe mjedis!” – Pjerin Ndreu, Facebook
- Foto Galeri:
Vajzat e Lezhës — Kampione të Shqipërisë U-16
Vajzat e Lezhës — Kampione të Shqipërisë U-16
Vajzat lezhjane, kampione të Shqipërisë në kategorinë U-16 për femra, zbukuruan sot zyrën time me praninë e tyre dhe me trofeun e merituar!
Një ndjenjë krenarie jo vetëm për rezultatin e jashtëzakonshëm, por edhe për kontributin që këto vajza japin çdo ditë në energjizimin dhe promovimin e sportit në qytetin tonë.
Fitorja në shkallë kombëtare është “qershia mbi tortë”, një kurorë suksesi që ato ia dhurojnë me dinjitet qytetit të Lezhës.
Mirënjohje dhe falënderime të veçanta për trajneret e përkushtuara, Gentjana Nicaj dhe Vjollca Qose, për punën, sakrificat dhe përkushtimin e tyre të palodhur në rrugëtimin drejt këtij suksesi. 👏👏👏
Urime kampioneve! 🙏
– Pjerin Ndreu, Facebook
- Foto Galeri:
Aktivitet Frymëzues me të Rinjtë e Shkollës “Kosova”
Aktivitet Frymëzues me të Rinjtë e Shkollës "Kosova"
Sot, në ambientet e Qendrës Rinore Lezhë, u zhvillua një aktivitet frymëzues me të rinjtë e Shkollës “Kosova”, ku në fokus ishin debati, konkurrenca pozitive dhe talentet e tyre.
Përmes diskutimeve, sfidave dhe prezantimeve të ndryshme, të rinjtë patën mundësinë të shprehin idetë, aftësitë dhe vizionin e tyre për të ardhmen. Aktiviteti shërbeu si një hapësirë motivuese për të reflektuar mbi talentet individuale dhe rrugët që secili mund të ndjekë për t’i zhvilluar ato më tej.
Energjia, kreativiteti dhe pjesëmarrja aktive e të rinjve dëshmuan potencialin e madh që ata mbartin, si dhe rëndësinë e mbështetjes së tyre në çdo hap të rrugëtimit drejt suksesit.
Qendra Rinore Lezhë vazhdon të jetë një hapësirë e hapur dhe mbështetëse për të gjithë të rinjtë, duke promovuar vlerat, talentet dhe zhvillimin e tyre personal e profesional.
