Pas një shkëputje 4-vjeçare, Bashkia Lezhë ka rikthyer çmimin letrar “At Zef Pllumi”. Botimet më të mira në publicistikeë, memorialistikë dhe monografi, u vlerësuan nga kjo njësi vendore, në një aktivitet organizuar me pjesëmarrje mjaft të gjerë.
Krijuesit e këtij çmimi dhe Kryebashkiaku i Lezhës Pjerin Ndreu, vlerësuan kontributin e At Zef Pllumit, sipas tyre ky është minimumi që mund të bëhet për këtë figurë shumë të rëndësishme të kombit shqiptar.
“’Është një çmim të cilin s’e kemi shpikur apo krijuar ne, por i dedikohet Salvador Kaçes, të cilin e përshëndes, dhe ia kemi marrë dhe e kemi sjellë prapë përballë gjithë botuesve të të gjithë Shqipërisë dhe të gjithë zonave shqiptar-folëse, dhe për ta sjellë përballë opinionit publik lezhjan që ta forcojmë, dhe realisht të japim ato mesazhe që At Zef Pllumi ka dhënë në veprat e tij”, tha Ndreu.
“Ka qenë një kënaqësi shumë e madhe për mua, Salvador Kaçen dhe për Agron Gjekmarkaj, që morëm një vendim që ta krijonim çmimin kombëtar “At zef Plllumi si një moment i nderimit veprës dhe të jetës së tij” u shpreh Preç Zogaj
Juria, e përbërë nga Alfred Lela, Jonila Godole dhe At Vitor Dema, shpalli fituesit në kategorinë publicistikë Belina Budinin, memorialistikë Vera Bekteshin dhe monografi Sabri Hamitin. Çmimi kombëtar “At Zef Pllumi” u krijua për herë të parë në vitin 2012 nga ish-Komuna Shëngjin me iniciativën e Preç Zogaj e Agron Gjekmarkaj.
“Ndihem jo vetëm e gëzuar, por e lumtur, që sot më akordohet ky çmim i rëndësishëm i Shqipërisë. Gjithnjë kam menduar se nëse ka një çmim që i përshtatet më mirë librit tim ” Vila me tri Porta”, do ishte pikërisht ky çmim”, tha Vera Bekteshi, shkrimtare.
“Sigurisht emocion dhe kënaqësi e veçantë, por është edhe nder. Është një nga ato çmime që jo vetëm në botën kulturore por edhe atë në mjedisin akademik ku ne jetojmë dhe zhvillojmë veprimtarinë tone, është shumë i çmuar”, u shpreh Belina Budini, shkrimtare.
“At Zef Pllumi nuk është vetëm misionar, por ai është edhe një shkrimtar i madh. Është një njeri që ka shkruar një kryevepër do të thosha jo vetëm në letërsinë shqipe por edhe në atë botërore”, tha Sabri Hamiti, studiues.
Përgatiti: Rrok Lelçaj, Lezhë, 10.02.2020
Related items
Anamaria Prendi, zëri i violinës lezhjane
Anamaria Prendi, zëri i violinës lezhjane
Krenari e veçantë për Anamaria Prendin, një nga talentet më të spikatura lezhjane në violinë, e cila me thjeshtësinë dhe mirënjohjen e saj nuk harron të vlerësojë mbështetjen e marrë në rrugëtimin e saj artistik.
Anamaria na bën krenarë të gjithëve me artin që përcjell, me talentin e jashtëzakonshëm dhe përkushtimin e palodhur që e shoqëron në çdo arritje. Ajo është një shembull frymëzues se si pasioni, puna dhe këmbëngulja çojnë drejt suksesit.
Të urojmë nga zemra suksese të mëtejshme, Anamaria! Qofshin të shumta skenat ku do të shkëlqesh dhe majat e artit botëror që do të pushtosh. Lezha është krenare për ty!
“Në Gjurmët e Lezhës” — një ditë që lidhi historinë, natyrën dhe bregdetin tonë
“Në Gjurmët e Lezhës” — një ditë që lidhi historinë, natyrën dhe bregdetin tonë
Më 17 korrik, Bashkia Lezhë organizoi turin promovues “Në Gjurmët e Lezhës”, në kuadër të URBACT Pioneers Accelerator. Përfaqësues të bashkisë, biznese turistike, guida dhe të ftuar ndoqën një itinerar që lidhi Memorialin e Skënderbeut, Muzeun e ri Arkeologjik, Kalanë e Lezhës, dunat e mahnitshme të Rana e Hedhun në Shëngjin dhe Lagunën e mbrojtur Kune-Vain, duke u mbyllur me një darkë me shije lokale.
Nga panorama mbresëlënëse e kalasë mbi Adriatik, te shtigjet prej druri të lagunës plot shpendë, pjesëmarrësit përjetuan nga afër pasuritë që e bëjnë Lezhën të veçantë. Aktiviteti nuk ishte thjesht një ditë promovuese, por edhe një test në terren i një itinerari model, që synon t’u ofrohet në të ardhmen vizitorëve vendas dhe të huaj. Ai konfirmoi se Lezha ka gjithçka për t’u bërë një destinacion gjithëvjetor — histori, natyrë, bregdet dhe gastronomi, të gjitha të lidhura në një ditë të vetme. Ky itinerar do të dokumentohet e promovohet më tej, si pjesë e ofertës turistike të qytetit, me synimin që Lezha të njihet gjithnjë e më shumë si destinacion i plotë, jo vetëm si qytet buzë detit. 🏛️🌊
Të rinjtë në shërbim të trashëgimisë kulturore të Lezhës
Të rinjtë në shërbim të trashëgimisë kulturore të Lezhës
Lezha përtej bregdetit – Të rinjtë në zbulim të Trashëgimisë Lokale
Projekti i shoqatës “Ambasadorët e Paqes”, i financuar nga Bashkia Lezhë dhe Programi ReLOaD3, po angazhon 25 të rinj në zbulimin dhe promovimin e pasurive kulturore e natyrore të Lezhës.Deri tani janë evidentuar 30 asete turistike dhe 15 biznese e aktorë lokalë, të cilët do të bëhen pjesë e 4 itinerareve të reja turistike. Projekti do të përmbyllet gjithashtu me botimin e një libri me legjenda dhe gojëdhëna nga zonat rurale të Bashkisë Lezhë.Një nismë që vlerëson trashëgiminë tonë dhe krijon mundësi të reja për zhvillimin e turizmit lokal. 
~Pjerin Ndreu, Facebook
