Administrata e Bashkisë Lezhë dhuron gjak për fëmijët talasemik

April 12, 2021

Bashkia Lezhë në bashkëpunim me Kryqin e Kuq Shqiptar, Dega Lezhë, kanë organizuar në mjediset e pallatit të kulturës aktivitetin human të dhurimit vullnetar të gjakut. Janë solidarizuar me këtë nismë stafet e drejtorive të Bashkisë dhe Njësive Admninistrative. Zëdhenesi i Bashkisë Lezhë Altin Mema shprehet se askush nuk është bërë i varfër duke dhuruar. Ky gjest humanizmi do të ju vijë në ndihmë të sëmurëve në nevojë dhe mund të krijoi mijëra buzëqeshje. Administratorja e deges se Kryqit të Kuq Lezhe Irma Kola thekson se kush dhuron gjak shpeton nje jetë. Janë mbi 1000 fënijë të sëmur talasamek që presin ndihmë nga dhuruesit e gjakut.
Me gadishmërinë përt’iu përgjigjur thirrjes se Kryqit të Kuq, krahas administratës dhe punonjësve të Bashkisë Lezhe Bashkia Lezhë janë solidarizuar dhe qytetar të Lezhës. Ky dhurim gjaku, veç fëmijëve talasemik do të shkojë dhe për nevojat e pacientëve të Spitalit Rajonal të Lezhës.

Rrok Lelçaj Lezhë, 05.03.2018

lajme

Eagles Fest

Eagles Fest, një event i cili ka dhuruar spektakël të jashtëzakonshëm me motor në bregdetin e Shëngjinit, u organizua nga klubi i motoristëve MC Eagles në bashkëpunim me Bashkinë Lezhë.

Aktiviteti u mbajt më 24 gusht dhe shënoi një ngjarje të paharrueshme për të gjithë pjesëmarrësit dhe spektatorët.

Në qendër të vëmendjes së festivalit ishte parada mbresëlënëse e mbi 300 motoristëve, të cilët përshkruan të gjithë Shëtitoren e Shëngjinit. Tifozët e motorëve dhe turistët e pranishëm u mrekulluan nga shfaqja e motorëve të fuqishëm që e kthyen shëtitoren në një skenë plot energji dhe adrenalinë.

Pas kësaj parade, atmosfera elektrizuese e Eagles Fest vazhdoi me një koncert të mbajtur në bregdet, ku skena u pushtua nga këngëtarët e njohur të skenës së rock-ut shqiptar. Elita 5, grupi legjendar nga Tetova, elektrizoi publikun me hitet e tyre të njohura, duke sjellë një atmosferë të ngrohtë dhe të fuqishme në natën verore. Niki Zaimi & Band dhe Iljard Shaba gjithashtu interpretuan një përzgjedhje të këngëve rock, duke krijuar një lidhje të veçantë me publikun.

Eagles Fest ishte jo vetëm një festë për motoristët, por edhe një festë e kulturës dhe muzikës rock, duke sjellë së bashku njerëz nga të gjitha moshat për të festuar në një atmosferë plot emocion dhe adrenalinë

455692832_878421937674813_9109496419673152747_n

Festë n’Shpi 2024

Festë n'Shpi 2024

Bashkia Lezhë ka vazhduar traditën e njohur të “Festë N’ Shpi” edhe këtë vit, duke krijuar një atmosferë të paharrueshme festive që zgjati për 14 ditë rresht.

Aktivitetet filluan më 2 Gusht dhe kulmuan më 15 Gusht, duke e shndërruar Sheshin “Gjergj Kastrioti” në një pikë qendrore për argëtim dhe gëzim. Çdo natë, qytetarët e Lezhës dhe vizitorët e shumtë u mblodhën për të përjetuar magjinë e muzikës live dhe performancave të larmishme.

Në këtë edicion të “Festë N’ Shpi” morën pjesë disa nga zërat më të njohur të muzikës nga Shqipëria dhe Kosova, duke e ngritur nivelin artistik të festës. Këngëtarët dhe grupet më të dashur nga publiku dhuruan performanca të jashtëzakonshme, duke krijuar një atmosferë të ngrohtë dhe festive.

Netët e dedikuara talenteve të rinjë nga Lezha ishin gjithashtu një nga pikat kulmore të festës. Të rinjtë e talentuar nga Lezha, duke përfshirë këngëtarë, instrumentistë dhe valltarë, shfaqën aftësitë e tyre artistike, duke sjellë energji dhe freski në sheshin e qytetit.

Këto netë ishin një mundësi e shkëlqyer për artistët e rinj që të tregojnë talentin e tyre përpara një publiku të gjerë.

Festa arriti kulmin në Ditën e Shtegtarëve, më 15 Gusht, një ditë e veçantë që i kushtohet të gjithë atyre që rikthehen në Lezhë për të festuar me familjarët dhe miqtë. Kjo ditë speciale u përshkua nga një atmosferë e veçantë, e cila u pasurua edhe më shumë nga prania e trupës së njohur të humorit “Portokalli”, që dhuroi shumë të qeshura dhe momente të paharrueshme për të pranishmit.

- Foto Galeri:

Gjithashtu, Bashkia Lezhë në bashkpunim me një grup emigrantësh të kryesuar nga z. Llesh Shtjefni për nder të ditës së “Shtegëtarëve”, një festë e kthyer tashmë në traditë dhe organizuar nën angazhimin e Drejtorise së Arsimit, Rinisë dhe Sporteve, në stadiumin Besëlidhja organizoi kupen “Shtegtari, për fitimin e së cilës u zhvillua një ndeshje miqësore dhe simbolike futbolli, mes ekipit të emigrantëve që kishte në përbërje të tij emigrantë të gjeneratave të ndryshme dhe ekipit miks Besëlidhja me ish lojtarë të Besëlidhjes ndër vite, dhe komunitetit lezhjanë.

Ndeshja është drejtuar nga gjygjtaria e FIFA-s, Eglantina Pjetrushaj ku u zhvilluan 2 pjesë nga 25 minuta.

Pavarësisht se ishte ndeshje miqësore dhe simbolike, pati brenda saj emocione, shumë gola, grintë dhe luftë sportive nga të dyja skuadrat dhe përfundoi me rezultatin e barabartë 5-5. U desh goditja e penalltive për të përcaktuar ekipin fitues ku ekipi Besëlidhja u shpall fituese e kupës së “Shtegëtarit”.

Më pas u shpërndanë kupat dhe medaljet përkatëse për të dy skuadrat, duke mbyllur kështu këtë aktivitet të bukur.

- Foto Galeri:

Takim me një ekip të Sites & Cités Remarquables de France

Kryetari Bashkisë Lezhë Z. Pjerin Ndreu ka pritur në Lezhë një ekip nga Sites & Cités Remarquables de France në bashkëpunim me Institutin për Bashkitë Shqiptare. Ky takim vjen si një iniciativë e interesit të partnereve nga Franca dhe te Ambasadës Franceze për të bashkëpunuar Lezhë.

Gjatë këtij takimi janë diskutuar ide interesante bashkëpunimi edhe me z.Rémy Privat, Atashe Bashkëpunimi në Ambasadën Franceze në Tiranë si dhe kolegen Znj.Sophie Métadier Kryetare Beaulieu-lès-Loches, Zëvëndës Presidente e Shoqates Sites & Cités remarquables de France njëkohësisht ish deputete e Parlametit të Frances.

Bashkia Lezhë është gjithmonë e hapur për mundësi të tilla bashkëpunimi të cilat janë në përfitim të komunutetit që jeton në qytetin e Lezhës.