AKADEMIA E FUTBOLLIT BRIAN’S LEZHË

April 6, 2021

Akademia e futbollit “Brian’s” në Lezhë, e vetmja e këtij lloji në shkallë vendi, që drejtohet nga ish-futbollisti i Besëlidhjes Gjergj Filipi, sa vjen dhe zgjerohet, duke rritur interesin e qindra fëmijëve e të rinjëve që janë të apasionuar pas sportit të bukur të futbollit. Fushat e këtij sporti në Gajush janë kthyer në vatra të profilizuara të përgatitjes së moshave nga 5 deri në 19 vjeç. Kushtet bashkëkohore që ofron akademia “Brian’s”, kanë mundësuar masivizimin e futbollit në Lezhë që në moshat e vogla, duke krijuar mundësi në evidentimin, mbështetjen e promovimin e talenteve. Aktualisht këtu stërviten mbi 250 fëmijë e të rinj që pëlqejnë këtë sport dhe aspirojnë të bëhen futbollistë. Ata vijnë jo vetëm nga Lezha dhe periferitë e saj por edhe nga qytete e rrethe të tjera të rajonit verior. Rezultatet e Akademisë se Futbollit “Brain’s” janë shumë inkurajuese dhe premtuese në të ardhmen e afërt. Në kampionatin kombëtar të superliges shqiptare për moshën U17, ekipi “Brian’s” i Lezhës fitoi ndaj ekipit të Dinamos U17 në Tiranë me rezultatin e pastër 5-1. Për të parë më nga afër punën që bëhet këtu bëri një vizitë në këtë akademi ish-kapiteni dhe futbollisti i kombëtares Lorik Cana. Kjo vizitë përkoi me 10-vjetorin e ndarjes nga jeta të futbollistit të talentuar lezhjan, Brian Gjergj Filipi, që ëndrra e tij u ndërpre në mes. Emrin e Brianit mban sot stadiumi i Besëlidhjes dhe akademia e futbollit. Babai i Brianit, Gjergji, që drejton akademinë, e njohu Canaj me rezultatet, problemet dhe vështirësitë që hasën në rrugëtimin e këtij sporti. Lorik Canaj vlerësoi rezultatet e arritura duke vënë theksin se aktivizimi për futbollin duhet të nisë që në moshat e vogla. Ndërkohë, në shkëmbimin e ideve dhe eksperiencave më të mira, kreu i Bashkisë së Lezhës Pjerin Ndreu, ofroi mbështetje në promovimin e modeleve pozitive dhe të njerëzve të talentuar që bëjnë diferencën në futboll dhe çdo sport tjetër. Më pas ish-futbollisti ynë i kombëtares Lorik Canaj, i dhuroi Akademisë së Futbollit “Brian’s” bluzën e tij të sportit që mban numrin 5. Në fund, të pranishmit në këtë takim vizituan mjediset e akademisë së futbollit “Brian’s” Lezhë.

Përgatiti Rrok Lelçaj, Lezhë, 18.09.2019

lajme

464273680_929117852605221_9086509361950861263_n

RE-GEN Staff Meeting

Bashkia Lezhë është partner zbatues në projektin “Public space generation through integrated urban sports hubs for the participation of young citizens”, pjesë e programit URBACT IV, i financuar nga Bashkimi Evropian. Ky projekt synon të nxisë pjesëmarrjen e të rinjve përmes krijimit të qendrave sportive urbane dhe përdorimit të hapësirave publike, duke rritur përfshirjen dhe aktivitetin e komunitetit në Lezhë dhe qytetet partnere.

Në datat 14-17 Tetor 2024, një takim i rëndësishëm i stafit të projektit u zhvillua në Dobrich, Bullgari. Diskutimet u përqendruan në progresin e projektit, planifikimin e hapave të ardhshëm dhe përmirësimin e koordinimit ndërmjet partnerëve ndërkombëtarë.

Ky bashkëpunim do të përshpejtojë zbatimin e projektit dhe krijimin e hapësirave publike më të aksesueshme dhe gjithëpërfshirëse për të rinjtë e Lezhës.

- Foto Galeri:

461988600_2261047317564105_4864862575910050228_n

Debat “Ekonomia qarkulluese per qytetet e jetueshme”

Forumi Rinor "Ekonomia Qarkulluese per Qytetet e Jetueshme"

Sot, në Lezhë, zhvilluam një forum rinor dedikuar Ekonomisë Qarkulluese dhe Qyteteve të Jetueshme, ku morën pjesë rinia nga shkollat tona. Aktiviteti u organizua nga GIZ Albania në bashkëpunim me Bashkinë Lezhë dhe kishte si qëllim të promovonte ide dhe zgjidhje për zhvillimin e qëndrueshëm të qyteteve.
Në këtë forum patëm kënaqësinë të kishim prezent Iven Schad, Drejtues i Bashkëpunimit për Zhvillim nga Ambasada Gjermane, Znj. Tina Koenig, Menaxhere e Projektit për Ekonominë Qarkulluese dhe Qytetet e Jetueshme, Znj. Erjola Duçkollari nga MTM, si dhe Znj. Greta Malaj nga AKEM.
Fokusi i takimit ishte në identifikimin e praktikave më të mira dhe inisiativave që ndihmojnë në krijimin e mjediseve urbane të jetueshme. Ky aktivitet ishte pjesë e Kalendarit të aktiviteteve për Javën Kulturore Gjermane, duke theksuar rëndësinë e bashkëpunimit ndërkombëtar në zhvillimin e qëndrueshëm.

“Në Lezhë, zhvilluam një forum rinor mbi Ekonominë Qarkulluese dhe Qytetet e Jetueshme, me pjesëmarrjen e rinisë nga shkollat tona. Aktiviteti, i organizuar nga GIZ Albania kishte si qëllim promovimin e zgjidhjeve për zhvillimin e qëndrueshëm të qyteteve.

Në forum ishin të pranishëm Iven Schad nga Ambasada Gjermane, Znj. Tina Koenig Menaxhere e Projektit BE për Ekonominë Qarkulluese dhe Qytetet e Jetueshme, Znj. Erjola Duçkollari dhe Znj. Greta Malaj. Takimi u fokusua në praktikat më të mira dhe iniciativat për krijimin e mjediseve urbane të jetueshme. Ky aktivitet ishte pjesë e Javës Kulturore Gjermane, duke theksuar rëndësinë e bashkëpunimit ndërkombëtar për zhvillimin e qëndrueshëm.” – Pjerin Ndreu, Facebook

- Foto Galeri:

461933209_2260016607667176_2102122226627336498_n

Borxhi Zero!

Kryetari i Bashkisë Lezhë ka zhvilluar aktivitetin “Borxhi Zero”, një moment i rëndësishëm për qytetin tonë. Ai njoftoi se bashkia ka likuiduar të gjitha borxhet e akumuluara ndër vite, duke hapur kështu një kapitull të ri për menaxhimin financiar të bashkisë. Kjo arritje jo vetëm që e forcon stabilitetin ekonomik, por gjithashtu krijon mundësi për investime dhe projekte të reja që do të përmirësojnë jetesën e qytetarëve.

Gjatë aktivitetit, kryetari ndau vizionin e tij për të ardhmen e Lezhës, duke theksuar rëndësinë e transparencës dhe angazhimit për zhvillimin e qëndrueshëm. Projekti për rinovimin e infrastrukturës, mbështetje për bizneset lokale dhe krijimi i hapësirave publike do të jenë në qendër të prioritetet tona. Bashkë, mund të ndërtojmë një qytet më të fortë dhe të qëndrueshëm!