BASHKIA LEZHË PO PUNON PËR PASTRIMIN DHE THELLIMIN E RRJETIT KULLUES NË TË GJITHA NJËSITË ADMINISTRATIVE

April 6, 2021

Në çdo njësi administrative të Bashkisë Lezhë punohet në ofrimin e shërbimeve ndaj komunitetit. Kështu punohet çdo ditë pak e nga pak në funksion të përmirësimit të jetesës së banorëve deri në fshatin me skajor të Lezhës.
Fronti kryesor i punëve është bërë pastrimi, thellimi dhe vënia në efiçencë e gjithë rrjetit kullues të kanaleve të dyta dhe të treta, me synim shmangjen e fenomenit të përmbytjes dhe krijimin e kushteve normale për punët në bujqësi të fermerëve, të cilët prej vitesh mbjellin dhe nuk korrin. Ky proçes pune po ndiqet dhe kontrollohet nga afër nga vetë kreu i Bashkisë Lezhë Pjerin Ndreu. Për këtë, punonjësit e Drejtorisë së Bujqësisë, Pyjeve dhe Zhvillimit Rural, pranë Bashkisë Lezhë, me eskavatorët dhe mekanizmat e tjerë që kanë në dispozicion, po punojnë fushave të Zadrimës, Bregut të Mates, në Zejmen, Shëngjin, Kolsh e Balldre për vënien në gatishmëri të këtij sistemi që vende vende ka dalë totalisht jashtë funksionit, dhe në ditë me reshje, thuajse çdo vit, ka krijuar pasoja për fermerët, duke dëmtuar kulturat bujqësore.
Rr.Lelçaj Lezhë, 15.10.2019

lajme

464273680_929117852605221_9086509361950861263_n

RE-GEN Staff Meeting

Bashkia Lezhë është partner zbatues në projektin “Public space generation through integrated urban sports hubs for the participation of young citizens”, pjesë e programit URBACT IV, i financuar nga Bashkimi Evropian. Ky projekt synon të nxisë pjesëmarrjen e të rinjve përmes krijimit të qendrave sportive urbane dhe përdorimit të hapësirave publike, duke rritur përfshirjen dhe aktivitetin e komunitetit në Lezhë dhe qytetet partnere.

Në datat 14-17 Tetor 2024, një takim i rëndësishëm i stafit të projektit u zhvillua në Dobrich, Bullgari. Diskutimet u përqendruan në progresin e projektit, planifikimin e hapave të ardhshëm dhe përmirësimin e koordinimit ndërmjet partnerëve ndërkombëtarë.

Ky bashkëpunim do të përshpejtojë zbatimin e projektit dhe krijimin e hapësirave publike më të aksesueshme dhe gjithëpërfshirëse për të rinjtë e Lezhës.

- Foto Galeri:

461988600_2261047317564105_4864862575910050228_n

Debat “Ekonomia qarkulluese per qytetet e jetueshme”

Forumi Rinor "Ekonomia Qarkulluese per Qytetet e Jetueshme"

Sot, në Lezhë, zhvilluam një forum rinor dedikuar Ekonomisë Qarkulluese dhe Qyteteve të Jetueshme, ku morën pjesë rinia nga shkollat tona. Aktiviteti u organizua nga GIZ Albania në bashkëpunim me Bashkinë Lezhë dhe kishte si qëllim të promovonte ide dhe zgjidhje për zhvillimin e qëndrueshëm të qyteteve.
Në këtë forum patëm kënaqësinë të kishim prezent Iven Schad, Drejtues i Bashkëpunimit për Zhvillim nga Ambasada Gjermane, Znj. Tina Koenig, Menaxhere e Projektit për Ekonominë Qarkulluese dhe Qytetet e Jetueshme, Znj. Erjola Duçkollari nga MTM, si dhe Znj. Greta Malaj nga AKEM.
Fokusi i takimit ishte në identifikimin e praktikave më të mira dhe inisiativave që ndihmojnë në krijimin e mjediseve urbane të jetueshme. Ky aktivitet ishte pjesë e Kalendarit të aktiviteteve për Javën Kulturore Gjermane, duke theksuar rëndësinë e bashkëpunimit ndërkombëtar në zhvillimin e qëndrueshëm.

“Në Lezhë, zhvilluam një forum rinor mbi Ekonominë Qarkulluese dhe Qytetet e Jetueshme, me pjesëmarrjen e rinisë nga shkollat tona. Aktiviteti, i organizuar nga GIZ Albania kishte si qëllim promovimin e zgjidhjeve për zhvillimin e qëndrueshëm të qyteteve.

Në forum ishin të pranishëm Iven Schad nga Ambasada Gjermane, Znj. Tina Koenig Menaxhere e Projektit BE për Ekonominë Qarkulluese dhe Qytetet e Jetueshme, Znj. Erjola Duçkollari dhe Znj. Greta Malaj. Takimi u fokusua në praktikat më të mira dhe iniciativat për krijimin e mjediseve urbane të jetueshme. Ky aktivitet ishte pjesë e Javës Kulturore Gjermane, duke theksuar rëndësinë e bashkëpunimit ndërkombëtar për zhvillimin e qëndrueshëm.” – Pjerin Ndreu, Facebook

- Foto Galeri:

461933209_2260016607667176_2102122226627336498_n

Borxhi Zero!

Kryetari i Bashkisë Lezhë ka zhvilluar aktivitetin “Borxhi Zero”, një moment i rëndësishëm për qytetin tonë. Ai njoftoi se bashkia ka likuiduar të gjitha borxhet e akumuluara ndër vite, duke hapur kështu një kapitull të ri për menaxhimin financiar të bashkisë. Kjo arritje jo vetëm që e forcon stabilitetin ekonomik, por gjithashtu krijon mundësi për investime dhe projekte të reja që do të përmirësojnë jetesën e qytetarëve.

Gjatë aktivitetit, kryetari ndau vizionin e tij për të ardhmen e Lezhës, duke theksuar rëndësinë e transparencës dhe angazhimit për zhvillimin e qëndrueshëm. Projekti për rinovimin e infrastrukturës, mbështetje për bizneset lokale dhe krijimi i hapësirave publike do të jenë në qendër të prioritetet tona. Bashkë, mund të ndërtojmë një qytet më të fortë dhe të qëndrueshëm!