Përfundon rikonstruksioni i urës së vjetër mbi lumin Drin-Lezhë

April 11, 2021

Ka përfunduar rikonstruksioni i urës se vjetër mbi lumin Drin, ku Bashkia Lezhë me fondet e veta bëri të mundur që në afatin kohor të 20-ditëve ta rikthejë atë në shërbim të qytetarëve.
Kjo urë prej kohësh ishte kthyer në një shqetësim serioz për banorët e lagjeve aty pranë sepse zhurmat e autoveturave që lëviznin mbi llamarina, shkaktonin ndotje akustike të nivelit të lartë. Duke parë nga afër cilësinë e punimeve, në rihapjen e urës ka qenë i pranishëm dhe kreu i Bashkisë Lezhë Fran Frrokaj, i cili duke patur në vëmendje ankesat e qytetarëve urdhëroi Drejtorinë e Shërbimeve Publike për të ndërhyrë në rehabilitimin e kësaj ure. Vetë qytetarët shprehen të kënaqur për cilësinë e punimeve që kanë eleminuar çdo zhurmë.
Drejtori i Shërbimeve Publike pranë Bashkisë Lezhë, Ndue Lushi, bën të ditur se pjesa e urës ku kalojnë qytetarët, mbetet sërish me llamarinë, ndërsa pjesa kryesore ku lëvizin autoveturat është shtruar me dërrasë të stazhinuar pishe, të një cilësie të lartë dhe rezistente ndaj lagështirës. Ndërkohë, është bërë dhe ndriçimi i urës në gjithë gjatësinë e saj.
Kjo urë e vënë në efiçensë nga Bashkia Lezhë do të ndihmojë në lëvizjen e qytetarëve të Lezhës dhe përmirësimin e trafikut të autoveturave gjatë sezonit turistik.

Përgatiti Rrok Lelçaj 19.11.2018

drejtorite lajme

461988600_2261047317564105_4864862575910050228_n

Debat “Ekonomia qarkulluese per qytetet e jetueshme”

Forumi Rinor "Ekonomia Qarkulluese per Qytetet e Jetueshme"

Sot, në Lezhë, zhvilluam një forum rinor dedikuar Ekonomisë Qarkulluese dhe Qyteteve të Jetueshme, ku morën pjesë rinia nga shkollat tona. Aktiviteti u organizua nga GIZ Albania në bashkëpunim me Bashkinë Lezhë dhe kishte si qëllim të promovonte ide dhe zgjidhje për zhvillimin e qëndrueshëm të qyteteve.
Në këtë forum patëm kënaqësinë të kishim prezent Iven Schad, Drejtues i Bashkëpunimit për Zhvillim nga Ambasada Gjermane, Znj. Tina Koenig, Menaxhere e Projektit për Ekonominë Qarkulluese dhe Qytetet e Jetueshme, Znj. Erjola Duçkollari nga MTM, si dhe Znj. Greta Malaj nga AKEM.
Fokusi i takimit ishte në identifikimin e praktikave më të mira dhe inisiativave që ndihmojnë në krijimin e mjediseve urbane të jetueshme. Ky aktivitet ishte pjesë e Kalendarit të aktiviteteve për Javën Kulturore Gjermane, duke theksuar rëndësinë e bashkëpunimit ndërkombëtar në zhvillimin e qëndrueshëm.

“Në Lezhë, zhvilluam një forum rinor mbi Ekonominë Qarkulluese dhe Qytetet e Jetueshme, me pjesëmarrjen e rinisë nga shkollat tona. Aktiviteti, i organizuar nga GIZ Albania kishte si qëllim promovimin e zgjidhjeve për zhvillimin e qëndrueshëm të qyteteve.

Në forum ishin të pranishëm Iven Schad nga Ambasada Gjermane, Znj. Tina Koenig Menaxhere e Projektit BE për Ekonominë Qarkulluese dhe Qytetet e Jetueshme, Znj. Erjola Duçkollari dhe Znj. Greta Malaj. Takimi u fokusua në praktikat më të mira dhe iniciativat për krijimin e mjediseve urbane të jetueshme. Ky aktivitet ishte pjesë e Javës Kulturore Gjermane, duke theksuar rëndësinë e bashkëpunimit ndërkombëtar për zhvillimin e qëndrueshëm.” – Pjerin Ndreu, Facebook

- Foto Galeri:

461933209_2260016607667176_2102122226627336498_n

Borxhi Zero!

Kryetari i Bashkisë Lezhë ka zhvilluar aktivitetin “Borxhi Zero”, një moment i rëndësishëm për qytetin tonë. Ai njoftoi se bashkia ka likuiduar të gjitha borxhet e akumuluara ndër vite, duke hapur kështu një kapitull të ri për menaxhimin financiar të bashkisë. Kjo arritje jo vetëm që e forcon stabilitetin ekonomik, por gjithashtu krijon mundësi për investime dhe projekte të reja që do të përmirësojnë jetesën e qytetarëve.

Gjatë aktivitetit, kryetari ndau vizionin e tij për të ardhmen e Lezhës, duke theksuar rëndësinë e transparencës dhe angazhimit për zhvillimin e qëndrueshëm. Projekti për rinovimin e infrastrukturës, mbështetje për bizneset lokale dhe krijimi i hapësirave publike do të jenë në qendër të prioritetet tona. Bashkë, mund të ndërtojmë një qytet më të fortë dhe të qëndrueshëm!

- Foto Galeri:

461772142_913300757520264_6295069854830784082_n

DITA NDËRKOMBËTARE KUNDËR DHUNËS

“Me qëllim sensibilizimin kundër dhunës në familje, Bashkia Lezhë organizoi aktivitetin në kuadër të “Ditës Ndërkombetare Kundër Dhunës”, ku ishin të pranishëm institucione, të rinj, nxënës dhe përfaqësues të strehëzës së “Edlira Haxhiymerit”.

Gjatë aktivitetit u prezantua iniciativa e të rinjve të qytetit të Lezhës, të cilët krijuan një udhëzues për dhunën në familje dhe dhunën me bazë gjinore. Gjithashtu, u ndanë mesazhe sensibilizuese me qëllim për të siguruar një kulturë paqeje, tolerance, mirëkuptimi dhe një shoqërie pa dhunë.

Falenderojmë Strehëzën për gra dhe vajza të “ Edlira Haxhiymerit” për mbështetjen e viktimave të dhunës dhe iniciativat e vazhdueshme për të kontribuar për komunitetin e Lezhës.” – Bashkia Lezhe, Facebook